Kalaviveka 77.p1.73

77.p1.73

navamyāṃ yastu piṣṭāśī sambhaviṣyati mānavaḥ‡
nārī vā tasya sampattu bhaviṣyati na saṃśayaḥ
mahānavamyāṃ prathamaṃ kṛtasnānavidhirnaraḥ§
gṛhṇīyātparamañcaitadyathākāmapradaṃ vratam
āśvinasya navamī grāhyā
“tṛtīyā caiva vaiśākhe navamyāśvayuje tathā |”
iti bhaviṣyapurāṇavacanāt
atha devīpurāṇe
“navamyāṃ pūjayeddevīṃ mahāmahiṣamaddinīm
kuṅkumāgurukarpūrairdhūpānradhvajadarpaṇaiḥ
damanairmarupanaiśca vijayākhyaṃ padaṃ labhet ||”
“kārttikasya tu māsasya daśamī śuklapaccikā
tasyāṃ naktāśano rājan dikṣu śuddhaṃ phalaṃ labhet
daśamī ca tithistāsāmatīva dayitā bhavet
tasyāṃ dadhyaśano yastu naktāhāro bhavennaraḥ
tasya pāpakṣayaṃ tāsu kurvvantyaharaharnṛpa ||”
aparicayādvacanānāṃ
paricitavacanārthabodhaviraheṇa
ekādaśyāṃ viluptaṃ
vratamidamanunojjvalaṃ kriyate
“brahmahā sa bhavetstenaḥ surāpo gurutalpagaḥ
vivecayati yo mohādekādaśyau sitāsite
ekādaśyāṃ na bhuñjīta pakṣayorubhayorapi
ekādaśyāṃ hi bhuñjāno viṣṇulokāccyuto bhavet ||”
tathā
“atikrāmati yo mohādekādaśyau sitāsite
upavāse sa mūḍhātmā viṣṇulokaṃ na paśyati ||”
bhojanadoṣaṃ darśayannupavāsaṃ niyacchati | na cāyaṃ niṣedha itikarttavyatāvidhānāt | niṣedhe ca itikarttavyatābhāvāt vrataprayogācca
tathā matsyapurāṇam
“daśamyāṃ niyatāhāro māṃsamaithunavarjjitaḥ
ekādaśyāṃ na bhuñjīta pakṣayorubhayorapi
ekādaśyāṃ nirāhāro yo bhuṅkte dvādaśīdine
śukle vā yadi vā kṛṣṇe tadvrataṃ vaiṣṇavaṃ mahat ||”
tadidamekādaśīditayavrataṃ yativānaprasthayoḥ
tathā smṛtimīmāṃsāyām
“ekādaśyāṃ na bhuñjīta pakṣayorubhayorapi