Abdadidhiti 4.p47
Abdadīdhiti 4.p47
- Language
- Sanskrit
4.p47
sarvābharaṇasaṃpūrṇaṃ vindhyāvalyā sahāsitam | kūṣmāṇḍabāṇajambhorumayadānavasaṃyutam | saṃpūrṇahṛṣṭavadanaṃ kirīṭotkaṭakuṇḍalam | dvibhujaṃ daityarājānaṃ kārayitvā naraḥ svayam | gṛhasya madhye śālāyāṃ viśālāyāṃ tato'rcayet | iti | arcanavidhirmadanaratne—gandhapuṣpākṣannaivedyairakṣatairguḍapūpakaiḥ | madhumāṃsasurālehyadīpāvalyupahārakaiḥ | mantreṇānena rājendra samarcya sapurohitaḥ |—balirāja namastubhyaṃ virocanasuta prabho | bhaviṣyendra surārāte pūjeyaṃ pratigṛhyatām | evaṃ pūjāṃ nṛpaḥ kṛtvā rātrau jāgaraṇaṃ tataḥ | kārayetprekṣaṇīyāni naṭanartakanāṭakaiḥ | iti | tathā tatraiva—lokasyāpi gṛhasyāntaḥ śayyāyāṃ śuklataṇḍulaiḥ | saṃsthāpya balirājānaṃ phalaiḥ puṣpaiśca pūjayet | balimuddiśya dīyante dānāni kurunandana | yāni tānyakṣayāṇyāhurmayaitatsaṃ pradarśitam | yadasyāṃ dīyate dānaṃ svalpaṃ vā yadi vā bahu | tadakṣayaṃ bhavetsarvaṃ viṣṇoḥ prītikaraṃ param | iti | mārgapālīprabhṛtibalipūjāntaṃ
Linked texts (3)
- Padmapurāṇa — Vyāsa, Sanskrit
- Smṛtikaustubha — Anantadeva 1638, Sanskrit
- Saṃvatsaradīdhiti — Anantadeva 1650, Sanskrit