Abdadidhiti 4.p9

4.p9

atha varuṇagrahagṛhītasya vimokṣopāyaḥ śālihotrevaruṇagrahajuṣṭasya vijñānaṃ śṛṇu suvrata | sumanāstūdakaṃ gatvā hayo bhavati durmanāḥ | vamate vā niśvasiti raktanetro'bhivīkṣate | prasvedaḥ sarvagātreṣu vihvalanniva tiṣṭhati | vārirājagṛhītasya rūpametatprakīrtitam | udakena gṛhītasya graheṇa varuṇasya ca | balipraṇāmāñjalibhirna vinātyeti pūjayā | grahavimokṣo na bhavatītyarthaḥ | taṇḍulośīrasumanaḥpuṣpāṇyagurucandanam | apūṣānmatsyakulamāṣānlājānulomikāṃstathā | raktaudanaṃ śaśe yāvacchoṇitaṃ matsyakaiḥ saha | ajasya cāgramāṃsāni kṛsaraṃ bhairavīṃ surām | anulomajātīyarūtāṃstu pratilomajātīyarūtām̐llājānityarthaḥ | bhairavīṃ paiṣṭīm | brāhmaṇī ca kumārī yā śuklavastrā baliṃ haret | vaidyaścopoṣitastatra kṛtajapyaḥ kṛtāñjaliḥ | vādinreṇodakaṃ gatvā vāruṇīṃ diśamādiśet | paścimadigabhimukho mantrānvadedityarthaḥ | varuṇāyanamo rājñe ye cāsyānucarāḥ pare | baliṃ me pratigṛhṇantu bhūyaścemāśca devatāḥ | diśaśca vidiśaḥ sarvā nakṣatrāṇi grahaiḥ saha | marudgaṇāścandrasūryau suparṇoragarākṣasāḥ | baliṃ ca pratigṛhṇantu grahā muñcantu vāhanam | prāṅmukhaśca tato vaidyastataścodīrayedidam | āpa eva imāḥ sarvā adbhiḥ sarvaṃ pravartate | somādādastathaivāgniḥ somātsarvamidaṃ jagat | somaṃ devaṃ namasyāmi mukhemaṃ ca turaṅgamam | varuṇagrahajuṣṭastu na jīvati kadācana | evaṃ ca bhiṣajaḥ kuryuḥ śeṣāṇāṃ śāntirastviti | iti | abādītthamanantena navarātrivirṇayaḥ | amunā mudamāyātu māyā bhagavato hareḥ