Kriyakaumudi (Govindananda) 1.p42

1.p42

vārādiyogastadaiva snānādikaṃ tathā pūrvāhṇe'pi maghātrayodaśīyoge darśaśrāddhānuṣṭhānaṃ rātryādiniṣiddhetarasyaiva śrāddhakālatvāt || idānīṃ yānyuccāvacāni yugmaviṣaye vacanāni tāni yathāyathaṃ vyākhyāyante | yugmānītivacanamubhayapakṣasādhāraṇamaviśeṣāt | ataeva tadaiva paravacane kṛṣṇapakṣe trayodaśītyanena tanmātraviśeṣa uktaḥ | skandapurāṇam,— pratipatsammukhī yāhyā yā bhavedaparāhvikī | san mukha ādibhāgo yasyāḥ sā sammukhī amāvāsyāyuktetyarthaḥ, tadeva spaṣṭayati yeti aparāhvikī astagāminītyarthaḥ | yatta,— pratipaddvitīyā yā dvitīyā1 pratipadyutā | caturthīsaṃyutā yā ca tṛtīyā sā phalapradā || ityāpastambanāmakaṃ vacanaṃ yadi sākaraṃ syāt tadā gṛhyapariśiṣṭavacanavirodhāt sā'phalapradā ityakārapraśleṣeṇa vyākhyeyam | paiṭhīnasiḥ,— pañcamī saptamī caiva daśamī ca caturdaśī | pratipannavamī caiva karttavyā sammukhī tithiḥ || sammukhī pūrvvaviddhā daśamyatra kṛṣṇā kṛṣṇapakṣe tithigrrāhyeti vacanaikavākyatvāt | caturddaśyapyatra kṛṣṇā kṛṣṇapakṣe trayodaśīti prāguktapariśiṣṭavacanāt pratipacchuklaiva yugmavacanāt