Bhagavantabhaskara 23.p4
Bhagavantabhāskara 23.p4
- Language
- Sanskrit
23.p4
trilocanayātrā | vaiśākhaśuklatṛtīyāyāṃ trilocanayātroktā kāśīkhaṇḍerādhaśuklatṛtīyāyāṃ snātvā paipileke hrade | saṃtarpayetpitṝn devāṃstrilocanamathārcayet || iti | saiba akṣayatṛtīyā | iyamevākṣayatṛtīyeocyate | taduktaṃ bhaviṣyeyātveṣā kuru śārdūla vaiśākhe tu mahātithiḥ | tṛtīyā sā'kṣayā loke gīrvāṇairabhivanditā || yatkiñciddīyate dānaṃ svalpaṃ vā yadi vā bahu | tatsarvamakṣayaṃ yasmātteneyamakṣayā smṛtā || iti | iyameva yugādiḥ | sā pūrvāhvavyāpinī grāhyā | taduktaṃ nāradīyedve śukle dve tathā kṛṣṇe yugādī kavayo viduḥ | śukle pūrvāhnike grāhye kṛṣṇe caivāparāhvike || iti | atra viśeṣo govindārṇave devīpurāṇetṛtīyāyāṃ tu vaiśākhe rohiṇyṛkṣe prapūjya ca | udakumbhapradānena śivaloke mahīyate || kalaśadānamantrastueṣa dharmaghaṭo datto brahmaviṣṇuśivātmakaḥ | asya pradānāttṛpyantu pitaro'pi pitāmahāḥ || gandhodakatilairmiśraṃ sānnaṃ kumbhaṃ sadakṣiṇam | pitṛbhyaḥ saṃpradāsyāmi akṣayyamupatiṣṭhatu || iti
Linked texts (5)
- Nāradapurāṇa — Vyāsa, Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Pratāpārka — Viśveśvarabhaṭṭa 1766, Sanskrit
- Kālamayūkha — Nīlakaṇṭha Dīkṣita, Sanskrit