Jayasimhakalpadruma 5.p7

5.p7

atha vaiśākhaśuklāṣṭamīvrataṃ nirṇayāmṛte-vaiśākhaśuklāṣṭamyāmapoṣitā āmraphalarasena snātvā'parājitākhyāṃ devīṃ māṃsīvālakavāribhiḥ snāpayitvā śarkarākṣīranaivedyaṃ dattvā navamyāṃ tadeva brāhmaṇānkumārīḥ bhojayitvā pāraṇaṃ kuryāt | māṃsī jaṭāsāmā̍ vālakamuśīram | taduktaṃ devīpurāṇe-'sahakāraphalaiḥ snānaṃ vaiśākhasyāṣṭamīdine | ātmānaṃ devatāṃ snātvā māṃsīvālakavāribhiḥ | lepanaṃ phalakarpūraṃ dhūpaṃ pañcasugandhikam |' phalaṃ jātīphalam| pañcasugandhikam- 'kaṅkolapūgakarpūraṃ jātīphalalavaṅgakaiḥ| sugandhapañcakaṃ proktamāyurvedaprakāśake | devyāḥ pūjāṃ ca kurvīta ketakyrā pañcakena tu | śarkarākṣīranavaidyaṃ kanyāvipreṣu bhojanam | ātmanaḥ pāraṇaṃ paścāddakṣiṇāṃ śaktito dadet | sarvatīrthābhiṣekaṃ cānena prāpnoti bhārgava |' iti | iti vaiśākhāṣṭamīvratam | jyeṣṭhaśuklāṣṭamyāṃ śivapūjā kāryā | taduktaṃ bhaviṣyottare- 'jyeṣṭhe māsi dvijaśreṣṭha kṛṣṇāṣṭamyāṃ trilocanam | yaḥ pūjayati deveśamīśalokaṃ vrajennaraḥ | iti | 'jyeṣṭhe māsi tathāṣāḍhe śrāvaṇe ca tathā pare | pūjayeccaturo māsānnīlotpalakadambakaiḥ | tripurāntakaraṃ śaṃbhum |' ityādi | asyaiva śuklāṣṭamyāṃ śuklāṃ devīṃ pūjayet | taduktaṃ devīpurāṇe'śuklāṣṭamyāṃ purā deva śuklā devī mahāśanim| vadhāya dānavendrāṇāṃ śuklapakṣe tato yajet | iti jyeṣṭhāṣṭamī | āṣāḍhaśuklāṣṭamyāmupoṣya haridrātoyena snātvā mahiṣaghnīnāmnīṃ devīṃ tenaiva snāpayet pūjayet | taduktaṃ devīpurāṇe-'aṣṭamyāṃ ca tathāṣāḍhe niśātoyena snāpayet | svayaṃ snātvā ca karpūraiścandanaistāṃ vilepayet |' hemādrimadanaratnayostu'aṣṭamyāṃ ca tathāṣāḍhe niśātoyena snāpayet | tato devīṃ jalaiḥ kuṣṭhairvaradāmudakena ca | snātvā vilipya karpūraṃ candanai rocanāmbubhiḥ |' iti paṭhitam | 'dhūpañcandanakarpūravālakaiḥ sitasilhakaiḥ | bhakṣyāñcharkarayā pūrṇānyāvakāni śubhāni ca | dāpayetkanyakāviprānbhojanaṃ cātmanastadā | śaktito dakṣiṇāṃ dadyānmahiṣaghnīṃ ca kīrtayet | dīpamālā ghṛtenaiva sarvānkāmānprayacchati | sarvayajñamahādānasarvatīrthaphalaṃ labhet | etadvratavaraṃ śukra mayā rudreṇa viṣṇunā | jagato hitamicchadbhircīrṇaṃ durgāvrataṃ mahat | bhānunā grahavidhvaṃsasamare ca kṛtaṃ purā | tathā devāsurairyakṣanāgakiṃnaramānavaiḥ | apsarobhistathā strībhiḥ saubhāgyasya vivṛddhaye | kṛtaṃ vai grahaśārdūla yaśca kuryādyathāvidhi | śravaṇādasya cāpnoti sarvakāmasukhāni ca | iṣṭāni labhate martyo vandhyā putraṃ prasūyate |' iti mahiṣaghnīvratam | śrāvaṇaśuklāṣṭamyāṃ devīpurāṇoktaṃ durgāvratam | 'devīvrataṃ pravakṣyāmi sarvakāma-