Madanaparijata 10.p1.23

10.p1.23

eṣa vai prathamaḥ kalpaḥ pradāne kavyahavyayoḥ
anukalpastvayaṃ jñeyaḥ sadā sadbhiranuṣṭhitaḥ
mātāmahaṃ mātulañca svastrīyaṃ śvaśuraṃ gurum
dauhitraṃ viṭpatiṃ bandhumṛtvigyājyau ca bhojayet
vaśiṣṭhaḥ
śiṣyānapi guṇavato bhojayet
tatra manuḥ
na śrāddhe bhojayenmitraṃ dhanaiḥ kāryyo'sya saṃgrahaḥ
nāriṃ na mitraṃ yaṃ vidyāttaṃ śrāddhe bhojayedvijam
yājñavalkyaḥ
rogahīnātiriktāṅgaḥ kāṇaḥ paunarbhavastathā
avakīrṇī kuṇḍagolo kunakhī śyāvadantakaḥ
bhṛtakādhyāpakaḥ klīvaḥ kanyādūṣyabhikastataḥ
mivadhuk piśunaḥ somavikrayī parivindakaḥ
mātāpitrorgurostyāgī kuṇḍāśī vṛṣalātmajaḥ
parapūrvāpatistenaḥ karmmaduṣṭāśca ninditāḥ
dārāgnihotrasaṃyogaṃ yaḥ karotyagraje sthite
parivettā sa vijñeyaḥ parivittistu pūrvvajaḥ || iti manūktaḥ
catuḥṣaṣṭipalaiḥ śuddhaiḥ kuṇḍaṃ prasthacatuṣṭayam
bhavettu yastu nigaretsa kuṇḍāśī patyadhaḥ
manuḥ
cikitsakā devalakā māṃsavikrayiṇastathā
vipaṇīna ca jīvanto varjyāḥ syurhavyakavyayoḥ
yakṣmī ca paśupālaśca parivettā nirākṛtiḥ
brahmadviṭ parivittiśca gaṇābhyantara eva ca
kuśīlavo'vakīrṇī ca vṛṣalīpatireva ca
paunarbhavaśca kāṇaśca yasya copapatirgṛhe
akāraṇaparityāgī mātāpitrorgurostathā
brāhmairyonaiśrca sambandhaiḥ saṃyogaṃ patitairgataḥ
atha brāhmaṇanimantraṇavidhistanniyamāśca
tatra varāhapurāṇe
vastraśaucādi karttavyaṃ śvaḥ karttāsmīti jānatā
snānopalepanaṃ bhūmikṛtvā viprānnimantrayet
dantakāṣṭhañca visṛjedbrahmacārī śucirbhavet
dvau daive pitṛkṛtye trīnekaikamubhayatra vā
bhojayetsusamṛddho'pi na prasajyeta vistare || iti
yājñavalkyaḥ