Nrisimhaprasada p211.3

p211.3

asāvityamukagotra amukaśarman iti sambodhya etatte iti mantreṇa piṇḍadānaṃ savyaṃ jānvācya kuryāt | piṇḍadānottarakālaṃ manuḥ— “nyupya piṇḍān pitṛbhyastu prayato vidhipūrvakam | teṣu darbheṣu taṃ hastaṃ nimṛjyāllepabhāginām” iti | viṣṇurāha— “atra pitaro mādayadhvami”ti | tatra atra pitara ityuktvodaṅmukhaḥ amīmadanta pitara iti japatīta | amīmadantetyanumantraṇānantaraṃ avaghrāya śundhantāmpira iti pūrvavatpiṇḍopari udakaninayanam | tato'sāvavanenikṣdvetyavanejya vastradaśāmādāya etadvaḥ pitaro vāsa iti piṇḍe nikṣipya añjanagandhalepana tāmbūlavastradakṣiṇādibhiḥ pūjayet | vyāsaḥpiṇḍapramāṇamāha"trihāyanasya vatsasya vikṛtyāsyaṃ yathā sukham | tathā kuryātpramāṇaṃ tu piṇḍānāṃ vyāsabhāṣitam" iti | ayaṃ bhāvaḥ-piṇḍāḥ kartavyā itthaṃ kapitthapramāṇam bilvaphalapramāṇaṃ vā kukkuṭāṇḍapramāṇaṃ vā badarīphalapramāṇaṃ vā | taduktamaṅgirasā"kapitthabilvamātrānvā piṇḍāndadyādvidhānataḥ | kukkuṭāṇḍapramāṇaṃ vā keṣāṃ vā''malakaiḥ samān || navaśrāddhe sthūlataraṃ tasmādapi tu nirvapet" | tasmādapi sthūlataramāśauce pratyabdādāvekoddiṣṭe tato'dhikataraṃ navaśrāddhadvādaśāhādisapiṇḍīkaraṇānte tato'pyadhikataramāśaucāntarvartipiṇḍe prācīnaṃ pramāṇacatuṣṭayaṃ pārvaṇaśrāddhamiti vivekarahasyam |