Nrisimhaprasada p32.5

p32.5

yeṣāṃ pitṛpitāmahānāṃ ye pretāḥ tattaduddeśena piṇḍānnipṛṇuyāt | jīvatāntu pratyakṣamarcanam, asya karmaṇaḥ pitrarthatvāt | atha taulvalisammato'yaṃ pakṣaḥ-yadyapi jīvāntarhitāḥ, tathā'pi pitṛbhyaḥ pretebhya eva dadyāditi na jīvatāmarcā, niṣiddhatvāt | tathoktaṃ bhaviṣyati— “pratyakṣamarcanaṃ śrāddhe niṣiddhaṃ manurabravīt | piṇḍanirvapaṇaṃ vā'pi mahāpātakasammitam” iti | atha gautamamatam | pitrādīnāṃ trayāṇāṃ madhye jīvato'pi piṇḍadānamiti | evaṃ parasparaviruddhaṃ pakṣatrayam | atrāyaṃ tātvikaḥ siddhāntaḥ-yadavādi parebhyo dadyāditi tadasambaddhaṃ na kartavyam | yadavādi gaṇagāriṇā pitrarthatvātkāryamiti tadapi na, anadhikāritvāt | yadavādi taulvalinā jīvādāntarhitebhyo na nivṛṇuyāditi tanna | uktahetoḥ | yadavādi jīvadbhyo na nivṛṇuyāditi, tadapi na, uktahetoḥ | tataśca pratyaktārcanamapi tato na kāryam | anadhikāriṇā yadavādi jīvebhyo'pi nivṛṇuyāditi tadapyasat , prāguktādeva hetoḥ| yadapyuktaṃ jīvāntarhitebhyo nivṛṇuyāditi tadapi na, uktādeva hetoḥ| atrāyamanuṣṭhānakramaḥ-ye hi pitṛtaye bhavanti tebhyaḥ piṇḍāndadyājjuhuyāt | etebhya eva barhiṣi nivṛṇuyāditi | yasya tu sarve jīvanto bhavanti tasya sarvahutaṃ havirbhavet