Smrititattva 1.p2.107

1.p2.107

yā upaśāntistat siddhaye| gāyatrījapavidhimāha yogiyājñavalkyaḥ| “praṇavaṃ pūrvamuccāryya bhūrbhuvaḥ svastataḥ param
gāyatrīpraṇavasyānte japeddhyevamudāhṛtā”|| atrānte'pi praṇavaśruteḥ “tiṣṭhedyodayanāt pūrvā madhyāmapi śaktiḥ| āsauto'ṅkamācāntyāṃ sandhyāṃ pūrvatrikaṃ japan”|| iti chandogaparaśiṣṭoktaṃ pūrvatrikaṃ praṇavavyāhṛtisāvitrorūpamiti tatprakāśakavyākhyānañca praṇavatvena dvayoraikyādaviruddhamiti śrāddhādyavasāne piṇḍārthakuśāstaraṇāt paścāt avanejanāt prāk devatābhya iti triḥ paṭhanīyam| “upaveśya japeddhīmān gāyatrīṃ
tadanujñayā| mantraṃ vakṣyāmyahaṃ tasmādamṛtaṃ brahmanimmitam
devatābhyaḥ pitṛbhyaśca mahāyogibhya eva ca| namaḥ svadhāyai
svāhāyai nityameva bhavanviti || ādyāvasāne śrāddhasya trirāvṛttyā japet sadā| piṇḍanirvvapaṇe caiva japedetat samāhitaḥ
pāṭhyamānamimaṃ śrutvā śrāddhakāla upasthite| pitaraḥ kṣipramāyānti rākṣasāḥ pradravanti ca”|| iti brahmapurāṇāt
gotrapadamevoccāryyam| “gotraṃ svarāntaṃ sarvatra gotrasyānyatra karmmaṇi| gotrastu tarpaṇe proktaḥ karttā evaṃ na muhyati”
iti gobhilena viśeṣato'bhidhānāt| evaṃ “sarvvatraiva pitaḥ
proktaṃ pitā tarpaṇakarmaṇi| pituraccayyakāle tu akṣayyaṃ
tṛptimicchatā” || iti gobhilavacanāntagat pitarityeva
vaktavyaṃ sasambandhikaśabdānāṃ padinyāyena svasambandhiparatvācca
natvasmat pitariti anyathā etadasmadannamityādyabhilāpāpatteḥ
evaṃ yajurvedināṃ piṇḍaśabdo napuṃsakaliṅgena prayujyate yathā