Smrititattva 1.p2.37

1.p2.37

sukhamānasaiḥ” ityarddhaṃ bhaviṣyottarīyaṃ kālakaumudyāṃ likhitamiti tathā “pāpo'haṃ pāpakarmāhaṃ pāpātmā pāpasambhavaḥ
trāhi māṃ puṇḍarīkākṣa ! sarvapāpaharo bhava || adya me saphalaṃ janma
jīvitañca sujīvitam | yattavāṅghri yugānnāye mūrddhā me bhramarāyate”|| ityābhyāṃ namaskuryyāt | anantakathāmapyatra
śṛṇvanti
laiṅge “kārtike kṛṣṇapakṣe tu caturddaśyāṃ dinodaye | avaśyameva karttavyaṃ snānaṃ narakabhīrubhiḥ || apāmārgapallavañca bhrāmayecchirasopari | tataśca tarpaṇaṃ kāryyaṃ dharmarājasya nāmabhiḥ
narakāya pradātavyo dīpaḥ saṃpūjya devatāḥ” || narakāya narakanivṛttaye | “artho'bhidheyoraivastu prayojananivṛttiṣu” iti
nivṛttāvapi tādarthye ityanena caturthīvidhānāt | apāmārgabhrāmaṇamantraḥ “śītaloṣṇasamāyukta sakaṇṭakadalānvita | hara
pāpamapāmārga ! bhrāmyamāṇaḥ punaḥ punaḥ || tataḥ pradoṣasamaye
dīpān dadyāt prayatnataḥ | brahmaviṣṇuśivādīnāṃ bhavaneṣu maṭheṣu
ca” || bhaviśye “kārtika ke bhaumavāre tu citrā kṛṣṇacaturdaśī
tasyāmārādhitaḥ sthāṇurnayecchivapuraṃ dhruvam || yāṃ kāñcit
saritaṃ prāpya kṛṣṇapakṣe caturdaśīm | yamunāyāṃ viśeṣeṇa niyatastarpayed yamān || yamāya dharmarājāya mṛtyave cāntakāya ca
vaivasvatāya kālāya sarvabhūtakṣayāya ca || auḍumbarāya dadhnāya
nīlāya parameṣṭhine | vṛkodarāya citrāya citraguptāya vai namaḥ