Smrititattva 1.p2.38

1.p2.38

ekaikasya tilairmiśrāṃ strīṃ strīn dadyājjalāñjalīn | saṃvatsarakṛtaṃ pāpaṃ tatkṣaṇādeva naśyati” || atrācārāt caturdaśaśākabhakṣaṇañca karttavyam atra nirṇayāmṛtadhṛtaṃ “olaṃ kemukavāstūkaṃ sarṣapaṃ kālañca nimbaṃ jayām | śāḷiñcaṃ hilmocikāñca paṭukaṃ śaulaphaṃ guḍūcīṃ tathā || bhaṇṭākīṃ suniṣaṇṇakaṃ
śivadine khādanti ye mānavāḥ | pretatvaṃ na ca yānti kārttikadine kṛṣṇe ca bhūte tithau” || jayāṃ jayantīṃ paṭukaṃ paṭolam
bhaviṣye “hrāyike śuklapakṣe tu yā pāṣāṇacaturdaśī | tasyāmārādhayedgaurīṃ naktaṃ pāṣāṇabhojanaiḥ” || pāṣāṇākārapiṣṭabhojanaiḥ | yamaḥ “māghe māsyasite pakṣe raṭantyākhyā caturdaśī
tasyāmudayavelāyāṃ snāto nāvekṣate yamam” || udayavelāyāmaruṇodayavelāyām | “anarkābhyudite kāle māghe kṛṣṇacaturdaśī | satāravyomakāle tu tatra snānaṃ mahāphalam | snātvā
santarpya tu yamān sarvapāpaiḥ pramucyate” | atra tithikṛtyatvāt
gauṇacāndrādaraḥ | atrāruṇodayakāla eva snānaṃ pūrvoktacaturdaśayamatarpaṇañca || yattu udayavelāyāṃ sūryyodayavelāyāṃ anarkābhyudita itīṣadarthe nañiti vyākhyānaṃ tat samudrakarabhāṣyadhṛtasatāravyometyuttarārddhānavalokaneneti
atha śivarātrivratam | kālamādhavīye skānde nāgarakhaṇḍaṃ
“māghamāsasya śeṣe yā prathame phālgunasya ca | kṛṣṇā caturdaśī sā tu śivarātriḥ prakīrttitā” | atraikasyāstithermādyauyatvaphālgunīyatve mukhyagauṇavṛttibhyām aviruddhe tatastu
bhābhyantararā caturdaśīśivarātriḥ asyāmupavāsaḥ pradhānaṃ “na
snānena na vastreṇa na dhūpena na cārccayā | tuṣyāmi na tathā puṣpairyathā tatropavāsataḥ” || iti śaṅkarokteḥ | skānde “tato