Smrititattva 1.p2.39

1.p2.39

rātrau prakarttavyaṃ śivaprītyena tatparaiḥ | prahare prahare snānaṃ pūjā
caiva viśeṣataḥ” || atra vīpsayā praharacatuṣṭayasādhyaṃ vrataṃ
pratīyate | narasiṃhācāryyadhṛteśvarasaṃhitāyām | “śaiva vā
vaiṣṇavo vāpi yo vā syādanyapūjakaḥ | sarvvaṃ pūjāphalaṃ hanti
śivarātrivahirmukhaḥ” | saṃvatsarapradīpe “dugdhena prathame snānaṃ dadhnā
caiva dvitīyake | tṛtīye ca tathājyena caturthe madhunā tathā”
īśānasaṃhitāyāṃ “māghe kṛṣṇacaturdaśīṃ ravivāro yadā bhavet
bhaumo vāpi bhaveddevi ! karttavyaṃ vratamuttamam || śivayogasya
yogena tadbhaveduttamottamam | śivarātrivrataṃ nāma sarvvapāpapraṇāśanam | ācāṇḍālamanuṣyāṇāṃ bhuktimuktipradāyakam” || nāgarakhaṇḍe | “upavāsaprabhāveṇa balādapi ca
jāgarāt | śivarātrestathā tasya liṅgasyāpi prapūjayā
akṣayān labhate lokān śivasāyujyamāpnuyāt ||” pādme
“varṣe varṣe mahādevi ! naro nārī pativratā | śivarātrau mahādevaṃ kāmaṃ bhaktyā prapūjayet” || īśānasaṃhitāyām | “evameva vrataṃ kuryyāt pratisaṃvatsaraṃ vratī | dvādaśābdikametaddhi
caturviṃśābdikaṃ tathā || sarvvān kāmānavāpnoti pretya ceha ca
mānavaḥ” hemādridhṛtā smṛtiḥ | “pradoṣavyāpinī grāhyā śivarātri caturdaśī” || pradoṣamāha vatsaḥ | “pradoṣo'stamayādūrddhaṃ
ghaṭikāiyamiṣyate” | ūrddhamanantaram | vāyupurāṇe | “trayodaśyastage sūryye catasṛṣvapi nāḍiṣu | bhūtaviddhāttu yā tatra
śivarātri vratañcaret” || īśānasaṃhitāyām | “māghe kṛṣṇacaturdaśyāmrādidevo mahāniśi | śivaliṅgatayodbhū taḥ koṭisūryyasamaprabhaḥ || tatkālavyāpinī grāhyā śivarātrivrate tithiḥ