Smrititattva 1.p2.44

1.p2.44

prācī proktā gurukramaiḥ” ityasya na viṣayaḥ | kintvabhidhānādiprasiddhā prācī grāhyā etadanusārādṛcyamāṇa pūrvvādyāgneyyāntā
pūjā | ataeva tantrāntaram | “yatraiva bhānustu viyatyudeti
prācīti tāṃ vedavido vadanti | tathā puraḥ pūjakapūjyayośca
sadāgamajñāḥ pravadanti tāntu” | evañca devatāntarapūjā pūrvāhne
prāṅmukhena sāyaṃ paścimābhimukhena rātrāvudaṅmukhena kāryā
prākpaścimaudgāsyañca prātaḥsāyaṃ niśāsu ca” iti vacanāt iti
vācaspatimiśrāḥ | maivaṃ pūjāratnākarokta bhaviṣyapurāṇīyasaptākṣarasūryyamantra prastāva eva prāgādidiṅ‌niyamābhidhānāt
vyavahāro'pi atra na tatheti liṅgapurāṇe | “vinā bhasmatripuṇḍreṇa vinā rudrākṣamālayā | pūjito'pi mahādevo na syāttasya
phalapradaḥ || tasmātkadāpi karttavyaṃ lalāṭe'pi tripuṇḍrakaḥ
saṃvatsarapradīpe “tripurasya badhe kāle rudrasyākṣṇo'pataṃ stu ye
aśrugovindavaste tu rudrākṣā'bhavan bhuvi” || yadyapyekādicaturdaśamukharudrākṣeṣu mantraphalaviśeṣāḥ santi tathāpi sulabhatvāt pañcavaktrasya phalamantrāvabhidhīyate | yathā skānde “pañcavaktraḥ svayaṃ rudraḥ kālāgnirnāmanāmataḥ | agamyāgamanāñcaiva
abhakṣyasya ca bhakṣaṇāt | mucyate sarvapāpebhyaḥ pañcavaktrasya dhāraṇāt” || hrīṃ nama iti pratyekamaṣṭottaraśataṃ japtvā śivāmbhasā
prakṣālya dhāraṇīyaṃ “vināmantreṇa yo dhatte rudrākṣaṃ bhuvi mānavaḥ
sa yāti narakaṃ ghoraṃ yāvadindrāścaturdaśaḥ” || nandipurāṇe
“āyuṣmān balavān śrīmān putravān dhanavān sukhī | varamiṣṭaṃ labhelliṅgaṃ pārthivaṃ yaḥ samarcayet | tasmāttu pārthivaṃ liṅgaṃ