Smrititattva 1.p2.45

1.p2.45

jñeyaṃ sarvārthasādhakam ||” bhaviṣye | “sṛṅgamago śaṅkhatāmrakhaṇḍaṃ
tāmrakāṃsyamayaṃ tathā | kṛtvā liṅgaṃ sakṛt pūjya vaset kalpāyutaṃ divi | vārkṣaṃ vittapradaṃ liṅgaṃ sphāṭikaṃ sarvakāmadam
narmadāgirijaṃ śreṣṭhamanyadapi hi liṅgavat | kṛtvā pūjaya rājendra !
labhyate cepsitaṃ phalam” || liṅgavat liṅgākāram | kālakaumudyām | “akṣādalpaparīmāṇaṃ na liṅgaṃ kutracinnaraḥ | kurvītāṅguṣṭhato hrasvaṃ na kadācit samācaret” || akṣo'śītiraktikā
tathācāmaraḥ | “guñjāḥ pañcādyamāṣakaḥ taiṣoḍaśāttaḥ karṣostrī”
iti | aṅguṣṭhataḥ tadbṛhatparvagranthyitaḥ | “aṅguṣṭhāṅgulimānantu
yatra yatropadiṣyate | tatra tatra bṛhat parvagranthibhirminuyāt
sadā” || iti chandogapariśiṣṭāt | śivadharme | “sahasramarcayelliṅgaṃ nirayaṃ sa na gacchati | rudralokamavāpnoti bhuktvā
bhogānanuttamān” || tathā “bālukāni ca liṅgāni pārthivāni ca kārayet | saṅkhyapūjanāt so'pi labhate vāñchitaṃ
phalam” || tataścāmumatithāvārabhyāmukakāmaḥ sahasramitapārthivaśivaliṅga pūjanamiti ca yathāsthāne vākyaṃ deyamiti
brahmapurāṇe | “yāvanna dīyate cārghyaṃ bhāskarāya niveditam
tāvanna pūjayedviṣṇuṃ śaṅkaraṃ vā maheśvaraum” || rāghavabhaṭṭadhṛtam
“sarvatraiva praśasto'ṅgaḥ śivasūryārccanaṃ vinā” || aṅgaḥ śaṅkhaḥ
agnipurāṇe” talliṅgeḥ pūjayenmantraiḥ sarvadevān pṛthak pṛthak
dhyātvā praṇavapūrvvantu tannāmnā susamāhitaḥ | namaskāreṇa