Smrititattva 1.p2.51

1.p2.51

vinā guruvāreṇāpi | “aindre guruḥ śaśīcaiva prajāpatye ravistathā | pūrṇimājyeṣṭhamāsasya mahājyaiṣṭhī prakīrttitā” || anurādhāsthagurāvapi | “aindre maitre yadā jīvastatpañca daśake raviḥ
pūrṇimā śakracandreṇa mahājyaiṣṭhī prakīrttitā” || anurādhāsthacandre'pi vyāghrabhūtiḥ | “aindrarkṣe tvathavā maitre gurucandrau yadāsthitau | pūrṇimā jyeṣṭhamāsasya mahājyaiṣṭhī prakīrttitā”
rājamārttaṇḍaḥ | “jyaiṣṭhe saṃvatsarecaiva jyeṣṭhamāsasya pūrṇimā
jyeṣṭhābhena samāyuktā mahājyaiṣṭhī prakīrttitā” || jyeṣṭhasaṃvatsaraśca “jyeṣṭhāmūlopage jīve varṣaṃ syācchakradaivatam” || iti
viṣṇudharmottokto grāhyaḥ | na tu saṃvatsarādi pañcakāntargata varṣaviśeṣaḥ jyeṣṭha iti varṣaviśeṣaṇasya vaiyarthyāpatteḥ
saṃvatsare yadi syāditipāṭhaḥ kālpanikaḥ prapañcastu malamāsatattve'nusandheyaḥ | viṣṇudharmottare brahmapurāṇam | “māsi
jyaiṣṭhe tu saṃprāpte nakṣatre śakradaivate | paurṇamāsyāṃ tadā snānaṃ
sarvakāmaṃ harerdvijāḥ || tasmin kāle tu ye martyāḥ paśyanti
puruṣottamam | valabhadraṃ subhadrāñca te yānti padamavyayam”
skandapurāṇam | “jyeṣṭhāmahañcāvatīrṇastat puṇyaṃ janmavāsaram | tasyāṃ me snapanaṃ kuryyāt mahāsnānavidhānataḥ | jyeṣṭhāṃ
prātastane kāle brahmaṇā sahitañca mām | rāmaṃ subhadrāṃ saṃstrāpya
mama lokamavāpnuyāt” || viṣṇudharmottare | “paurṇamāsī tathā
māghī śrāvaṇī ca narottama | prauṣṭhapadyāmatīyāyāṃ tathā
kṛṣṇatrayodaśau | etāṃstu śrāddhakālān vai nityānāha prajāpatiḥ” || atra pūrvadine saṅgavalābhe rohiṇīlābhe vā paradine