Smrititattva 1.p2.54

1.p2.54

rātriyogo viśiṣyate” || iti vacanāt | vivarjayedityanuvṛttau
matsyasūkte | “mahālakṣmāstu tulasīṃ bhṛṅgiṣṭakāṃ kāñcanantathā”
lakṣmīdhyānamādityapurāṇe | “pāśākṣa mālikā'bhojasṛṇibhiryyāmyasaumyayoḥ | padmāsanasthāṃ dhyāyecca śriyaṃ trailokyamātaram
gauravarṇāṃ surūpāñca sarvvāsub laṅkārabhūṣitām | raukmapadmavyagrakarāṃ
varadāṃ dakṣiṇena tu” || pāśeti dakṣiṇe pāśākṣa mālābhyāṃ
vāme padmāṅkuśābhyāṃ bhūṣitāṃ vāmakare hemapadmaṃ dakṣiṇakare varaṃ
dadhatīmityarthaḥ | tataḥ pādyādibhiḥ saṃpūjya “namaste sarvvadevānāṃ
varadā'si haripriye | yā gatistvat prapannānāṃ sā me bhūyāttvaddarśanāt || viśvarūpasya bhāryyā'si padme padmālaye śubhe | sarvvataḥ
pāhi māṃ devi ! mahālakṣmi namo'stu te” || ityanena natvā
pūjayet | indradhyānamādityapurāṇe | “caturdanta gajārūr̤ho
vajrapāṇiḥ purandaraḥ| śacīpatiśca dhyātavyo nānābharaṇabhūṣitaḥ” || pādyādibhiḥ saṃpūjya | “vicitrairāvatasthāya
bhāsvat kuliśa pāṇaye | paulomyālaṅgitāṅgāya sahasrākṣāya
te namaḥ” || ityanena puṣpāñjalitrayaṃ dattvā praṇamet | tataḥ
kuveraḥ pūjya iti rudradharaḥ| taṃ pādyādibhiḥ saṃpūjya “dhanadāya namastubhyaṃ nidhipadmādhipāya ca | bhavantu tvat prasādānme
dhanadhānyādisampadaḥ” || iti puṣpāñjalitrayaṃ dattvā praṇamet
atra sarveṣāṃ pradoṣe pūjeti rudradharaḥ | na ca nikumbhaparyyantānāṃ
pūrvāhna eva pūjanaṃ nirapavādamiti vācyaṃ divā tatra na
bhoktavyam ityupakramya pūjyāśca saphalaiḥ patrairityādinā viśiṣya