Smrititattva 1.p2.53

1.p2.53

vibhavavistaraiḥ || tataḥ pūjyo nikumbho'pi samāṃsaistilataṇḍulaiḥ
sugandhibhirghṛtopetaiḥ kṛśarākhyaiśca bhūribhiḥ || brāhmaṇān bhojayitvā tu bhoktavyaṃ māṃsavarjitam | vaṅgipāśvaṃgatairneyā dṛṣṭvā
krīr̤āḥ pṛthagvidhāḥ” || tataśca dvārorddhabhitti havyavāhana pūrṇendu
sabhāryyarudra skanda nandīśvaramunayaḥ sarvaiḥ pūjyāḥ | dvārorddhabhitti
śabdo'tra bahuvacanāntaḥ nandīśvaro munirekaḥ | gomatā surabhiḥ
chāgavatā hutāśanaḥ meṣavatā varuṇaḥ hastimaṃtā vināyakaḥ
aśvavatā revantaḥ sarvaireva nikumbhaḥ pūjyaḥ mahārṇave liṅgapurāṇam | “āśvine paurṇamāsyāntu carejjāgaraṇaṃ niśi | kaumudī
sā samākhyātā kāryā loka vibhūtaye || kaumudyāṃ pūjayellakṣmīmindramairāvate sthitam | sugandhinim̐śisaṅgebhyo'kṣairjāgaraṇaṃ caret” || tathā “niśīthe varadā lakṣmīḥ kojāgarttīti
bhāṣiṇī| tasmai vittaṃ prayacchāmi akṣaiḥ krīr̤āṃ karoti yaḥ
nārikelaiścipiṭakaiḥ pitṝn devān samarccayet | bandhūṃśca prīṇayettena svayaṃ tadaśano bhavet” || atra niśīti niśītha iti
cābhidhānāt rātrikṛtyamidam
tataśca “pradoṣavyāpinī grāhyā tithinaktavrate sadā | pradoṣo'stamayādūrddhaṃ ghaṭikādvayamiṣyate” || iti vahnivacanāt
yadine pradoṣāniśīthobhayavyāpinī paurṇamāsī taddine kojāgarakṛtyam | ubhayavyāpyanugedhāt | yadā tu pūrvvadine niśīthavyāptiḥ paradine pradoṣavyāptistadā paredyustatkṛtyam | pradhāna
pūjākālavyāptyanurodhāt | yadā tu pūrvvadine niśīthavyāptiḥ
paradine na pradoṣavyāptistadā sutarāṃ pūrvedyustatkṛtyam | “ahaḥsu tithayaḥ puṇyāḥ karmmānuṣṭhānato divā| naktādivratayoge tu