Smrititattva 1.p2.62

1.p2.62

saṃvatsarapradīpa gaṅgāvākyāvalodhṛta vaśiṣṭhasauradharmavacanaikavākyatvāt “arddharātrādadhaścaiva dinārddhasyoparikriyā| ūrddhaṃ saṃkramaṇe bhānorudyāt praharadvayam” || iti bhojarāja kṛtyacintāmaṇiśrutaikavākyatvācca | adhaḥ pūrvvam ūrddhaṃ parataḥ kriyā snānādikā | evañca gargavacanasya tadahariti yāmadvayaparam anyathā
mūlabhūta śrutyantarakalpanāpatteḥ | evañca ṣaḍaśītimukhe'tīte
ityādi divā saṃkramaṇaviṣayam | tena divā ṣaḍaśīti saṃkramaṇe bhūte bhaviṣyanmānārddhaṃ puṇyam evaṃ viṣuvadvaye'pi | divottarāyaṇe'pi bhaviṣyadviṃśatidaṇḍānāṃ puṇyatvam atrottarāyaṇasya
pṛthagabhidhānāt ayana iti padaṃ dakṣiṇāyanaparaṃ govalīvarddanyāyāt tena divā dakṣiṇāyane bhaviṣyati bhūtatriṃśaddaṇḍānāṃ
puṇyatvam evañca ṣaḍaśītyādiṣvapyavakāśamalabhamānam “arvākṣoḍaśa vijñeyā nāḍyaḥ paścācca ṣoḍaśa kālaḥ puṇyo'rka
saṃkrāntervidvadbhiḥ parikīrttitaḥ” || iti śātātapīyam
“atītānāgatobhogonāḍyaḥ pañcadaśa smṛtāḥ | iti devopurāṇīyañca vacanaṃ divā viṣṇupadīviṣayam | ataeva jābāli
bṛhadvaśiṣṭhau “puṇyāyāṃ viṣṇupadyāñca prāk paścādapi ṣoḍaśa”
arddharātre viśeṣamāha ādāvityādi arddharātrasakrāntāvādau
pūrvvadina eva mānārddhaṃ yadyabhinnā saṃkrānti kāle pūrvvadine ca
ekaiva tithirbhavet tena madhyarātre saṃkramaṇe yadubhaya dinamānārddhaṃ puṇyamuktaṃ tadbhinnatithiviṣayam| atīte punararddharātre
pūrveṇāṅgā tiṣyabhede'pi parasyaiva pūrvārddhaṃ puṇyamiti tātparyyārthaḥ| evañca rātrisaṃkrāntau dina eva puṇyatvābhidhānāt
“rāhudarśanasaṃkrānti vivāhātyayavṛddhiṣu| snānadānādikaṃ