Smrititattva 1.p2.63

1.p2.63

kuryyānniśi kāmyavrateṣu ca”|| iti devalena dina saṃkramaṇasya
rātripraviṣṭa puṇyakālāṃśe saṃkrāntinimittena snānadānādi
vidhīyate iti| yattu “mandā mandākinodhvāṃcī ghorācaiva
mahodarī| rākṣaso miśritā proktā saṃkrāntiḥ saptadhā nṛpa
mandā dhruveṣu vijñeyā mṛdau mandākinī tathā|| kṣipre dhvāṃkṣī
vijānīyādugre ghorā prakīrttitā| carairmahodarī jñeyā krūrairṛkṣaiśca rākṣasī| miśritā caiva vijñeyā miśritarkṣeśca
saṃkrame”|| ityetyairdvādaśasveva saṃkrāntiṣu dhruvādi nakṣatrayogānmandādirūpatayā saptadhā bhinnāsu| “tricatuḥ pañcasaptāṣṭa nava
dvādaśa eva ca| krameṇa ghaṭikāścetāstat puṇyaṃ pāramārthikam”|| iti devīpurāṇa eva tricaturādighaṭikānāṃ puṇyatvamuktam taddivādāvatrostattatkālopadeśādavakāśamalabhamānaṃ sandhyādvayasaṃkrānti viṣayamiti samayaprakāśaḥ| dhruvādigaṇastu
dīpikāyām “ugraḥ pūrvaṃ maghāntakā dhruvagaṇa strauṇyuttarāṇi
khabhūrvātādityaharitrayaṃ caragaṇaḥ puṣyāśvihastāllaghuḥ| citrāmitramṛgāntyabhaṃ mṛdugaṇastīkṣṇohi rudrendrayuk miśro'gniḥ
sa viśākhabhaḥ śubhaphalāḥ sarvesvakatye gaṇāḥ”|| antako
bharaṇī khabhū rohiṇī vātādityaharitrayaṃ svātīpunarvasu śravaṇā
dhaniṣṭhā śatabhiṣā mitra mṛgāntyabham anurādhā mṛgośirorevatyaḥ| ahirudrendrayuk aśleṣā ārdrā jyeṣṭhā mūlāḥ agnaḥ
kṛttikā| vāstavastu krameṇa yathāsaṃkhyena etā ghaṭikāstat
puṇyaṃ tasya saṃkramaṇasya puṇyahetutvāt puṇyaṃ pāramārthikaṃ
mukhyaṃ “truṭeḥ sahasra bhāgoyaḥ sa kālo ravisaṃkramaḥ”|| ityuktasūkṣma saṃkramaṇakālīnānuṣṭhānajanya samapuṇya hetava ityāha