Smrititattva 1.p2.64

1.p2.64

truṭistu “laghvakṣara caturbhāga struṭirityabhidhīyate| truṭidvayaṃ
lavaḥ prokto nimeṣastu lavadvayam”|| iti smṛtyuktā etadeva
mataṃ yuktam ataeva devalena “yā yāḥ sannihitā nāḍya stā stāḥ
puṇyatamāḥ smṛtāḥ”|| ityuktam| evañcaitā ghaṭikāḥ puṇyatamāḥ
snānādirkantu puṇyamātramiti tasmānmandetyādi na sandhyāsaṃkrāntiviṣayakamiti sandhyāsakrāntiviṣayatve pāramārthikamityanupapatteḥ puṇyamityanenaiva siddheḥ| pāramārthikamityatra
kalpataruvyākhyānavalokanādvavisaṃkrama iti pāṭhakalpanaṃ kalpanameva samayaprakāśakṛtāpi tathā paṭhitatvāt| jīmūtavāhano'pi kālaviveke “ahniṃ saṃkramaṇe puṇyamahaḥ kṛtsnaṃ prakīrttitam| rātrau saṃkramaṇe bhānorddinārddhaṃ snānadānayoḥ”|| iti
vṛddhavaśiṣṭhādivacana paryyālocanayā divā saṃkrāntau dinamātraṃ
puṇyaṃ puṇyatarāstu viśeṣa vihitā nāḍya ityāha| ataeva
taddhṛta jābālibṛhaspatiśātātapavacanamapi saṃgacchate| yathā
“varttamāne tulā meṣe nāḍya stūmayatodaśaḥ”| kālamādhavīye'pi
saṅkautyabhidhāya prāśastyatāratamyamuktam| evañca divā saṃkrāntau
kṛtsnaṃ dinaṃ puṇyaṃ ṣaḍaśītimukhe'tīte iti vacanaṃ puṇyataraparam| nanu devīpurāṇe divārātryoḥ saṃmakramaṇe viśiṣya kālābhidhānāt sandhyāsaṃkrānteḥ kaḥ kāla iti cet “triṃśanmuhūrttaṃ
kathita mahorātrantu yanmayā”|| iti viṣṇupurāṇena sandhyayoḥ
pṛthaganupādānāt divārātri sambandhitvānmūhūrttārddhena tayorantarbhāvaḥ| tathā ca dakṣaḥ “ahorātrasya yaḥ sandhiḥ sūryanakṣatravarjitaḥ| sā tu sandhyā samākhyātā munibhistattvadarśibhiḥ”