Smrititattva 1.p2.87

1.p2.87

nacedamagrastāstamiti viṣayaṃ tāvanmātraviṣayatve pramāṇābhāvāt | pratyuta grastāstaviṣaya evedaṃ sārthakamanyatra darśanāpekṣāyāṃ pramāṇābhāvāt tatra mukte śaśini bhuñjīta ityetāvanmātramuktam | yattu "sūtake mṛtake caiva sūtakaṃ rāhudarśane
tāvatsyādaśucirvipro yāvanmuktirna dṛśyate" || iti vacanaṃ
tadapi muktyavadhāraṇaparam | tathā ca brahmapurāṇam | “yadivāstaṃ gataścandro rāhorānanagocaraḥ| ākalayya tu taṃ kālaṃ
kriyā kāryā vicakṣaṇaiḥ” || ataevānyenāpi udayakālamā
kalayya bhujyata iti | tathā ca saṃvatsarapradīpe | "graste cāstaṃ
gatekhindau jñātvā muktyavadhāraṇam | jñātvā pākādikaṃ kāryyaṃ
bhuñjītaindūdaye punaḥ"|| kālamādhavīye bhṛguḥ “grastāvevāstamanantu ravaundū prāpnuto yadi | tayoḥ paredyurudaye jñātvābhyavaharennaraḥ” || anayorudayamātrāpekṣoktā tasmānmuktiṃ dṛṣṭveti darśanāpekṣā nirvirodhaviṣaya eveti aśaucātideśe tu rāhudarśanasya nimittatā | sūtaka iti prāguktavacane ṣaṭtriṃśanmatavacane
ca darśanaśruteḥ | tadyathā “sarveṣāmeva varṇānāṃ sūtakaṃ rāhudarśane | jñātvā karmāṇi kurvīta śṛtamannaṃ vivarjayet” || ataeva smṛtiḥ | "pretaśrāddhe yaducchiṣṭaṃ grahe paryuṣitañca yat