Smrititattva 1.p2.88

1.p2.88

dampatyorbhuktaśeṣañca na bhuñjīta kadācana” || ucchiṣṭaṃ pākapātre'vaśiṣṭam | grahe uparāge paryuṣitaṃ sthitaṃ dampatyorāśramasvāminorbhojanānantaraṃ pākasthālyāmavaśiṣṭamiti śrāddhacintāmakhiḥ | yattu devala vacanam “ekoddiṣṭasya śeṣantu brāhmaṇebhyaḥ samutsṛjet | paścāt svayañca bhuñjīta punarmaṅgala bhojanam” || tasya ekoddiṣṭasya śeṣaṃ brāhmaṇebhyaḥ samutsṛjet natvavaśeṣayet paścāt svayaṃ punarmaṅgala bhojanaṃ pākāntarakṛtāratnaṃ
bhuñjīta ityarthaḥ tasyānācaraṇāt śākhyantara viṣayam | grahaṇāddarśinopi muktau snātavyaṃ muktimātrasyaiva jananāśaucanimittatvāt yathā brahmāṇḍa purāṇam | “grahaṇe śāvamāśaucaṃ vimuktau
sūtakaṃ smṛtam | tayoḥ sampattimātreṇa upaspṛśya kriyākramaḥ”
upaspṛśya snātvā | saṃvatsara pradīpe muktau snātvā paṭhitavyam
“uttiṣṭha gamyatāṃ rāho ! tyajyatāṃ candrasaṅgamaḥ | karmacāṇḍālayogotthaṃ kuru pāpakṣayaṃ mama”|| iti | sūryyagrahaṇe tu sūryyasaṅgama
iti viśeṣaḥ | argho'pyācāravaśāddātavya iti | na ca “nekṣetodyanta mādityaṃ nāstaṃ yāntaṃ kadācana | nopasṛṣṭaṃ na vāristhaṃ
na madhyaṃ nabhasogatam”|| iti manuvacanena vaidhadarśana niṣedho'stu
janma saptāṣṭetyādi niṣedhavaditi vācyaṃ tatrodyadādityādidarśanasya rāgaprāptasya sāhacaryyā drāhūdarśanasyāpi tathābhūtasya
niṣedhaḥ | ataeva “caṃdre vā yadi vā sūryye dṛṣṭe rāhau mahāgrahe | akṣayaṃ kathitaṃ puṇyaṃ taccā'pyaka viśeṣataḥ” || iti mārkaṇḍeyavacanaṃ vaidhadarśana param | evañca “taile jale tathāvastra