Smrititattva 1.p2.94

1.p2.94

saṃkrāntyāṃ niśisandhyayoḥ | saptamyāṃ varṣavṛddhau ca na kuryyāttilatarpaṇam” || prapañcastu malamāsatattve'nusandheyaḥ | bhaviṣye
“yeyaṃ dīpānvitā|rājan ! khyātā pañcadaśī bhuvi | tasyāṃ dadyānnaceddattaṃ pitṝṇāṃ vai mahālaye” || mahālaye kanyāgatāparapakṣe
naceddattaṃ malamāsādinā amāvāsyāyāmapi | malamāse śrāddhābhāvamāha kauthumaḥ| "saṃvatsarātireko vai māso yaḥ syāttrayodaśaḥ| tasmiṃ strayodaśe śrāddhaṃ na kuryādindusaṃkṣaye" || saṃvatsara pradīpe | “ekarāśisyite sūryye yadi darśadvayaṃ bhavet
darśaśrāddhaṃ tadādau syāt na paratra malimluce” || yattu “jātakarmāṇi yacchrāddhaṃ darśaśrāddhaṃ tathaiva ca| malamāse'pi tatkāryyaṃ
vyāsasya vacanaṃ yathā” iti vyāsavacanaṃ tatpiṇḍapitṛyajñākhyaśrāddhaparamiti malamāsatattve vivṛtam
amāvāsyā śrāddhakālamāha chandogapariśiṣṭam | “piṇḍānvāhāryyakaṃ śrāddhaṃ kṣīṇe rājani śasyate | vāsarasya tṛtīyāṃśe
nātisandhyāsamīpataḥ” || piṇḍānvāhāryyakamiti| “tataḥ
prabhṛti pitaraḥ piṇḍasaṃjñāntu lebhire” || iti matsya purāṇāt
piṇḍānāṃ pitṝṇāṃ anvāhāryyaṃ śrāddhaṃ māsikatṛptijanakaṃ yattathā
tathā ca manuḥ | “piṇḍānāṃ māsikaṃ śrāddhamanvāhāryyaṃ vidurbudhāḥ” || rājani candre| śasyata ityanena kvaciccandrakṣayābhāve'pyamāvāsyā śrāddhaṃ sūcitaṃ etā dṛgvyutpatteḥ| sāgniniragnisāmānyatvāddakṣyamāṇa kātyāyanoktararītyā kṣīṇā
stabhitāvarddhamāṇābhedaḥ sādhāraṇaḥ| yattu “pitṛyajñantu
nirvartya vipraścandrakṣaye'gnimān| piṇḍānvāhāryyakaṃ śrāddhaṃ