Kalanirnaya (Kalamadhaviya) 12.p15

12.p15

tatra, prayojana-bhedāt prayoga-bhedaḥ,– iti pūrvvaḥ pakṣaḥ | nimantritena brāhmaṇena kriyamāṇasya bhojanasya de prayojane; anya-kartṛka-śrāddhaniṣpattiḥ, sva-tṛptiśca | na ca dirbhujyate | taddat brahmavidyā'rthamanuṣṭhitena yajñādi-karmaṇā prayojana-dvayaṃ sidhyati| na ca nityānitya-saṃyogavirodhaḥ, khādiravadvākya-dayena tadupapatteḥ | tacca pūrvvamupapāditam | tasmāt sakṛdeva prayogaḥ,–iti | evamatrāpi sakṛdevopavāsaṃ kurvvataḥ kāmyaprayogonitya-prayogaścetyubhayaṃ sidhyati | nanu sakṛdanuṣṭhānenānekārtha-siddhirddedhā bhavati; tantreṇa vā, prasaṅgena vā| tadyathā, darśa-pūrṇamāsayoḥ ṣaṇṇāṃ pradhāna-yāgānāṃ(1) madhye trayāṇāntrayāṇāṃ sakṛtsakṛdanuṣṭhitena prayājādyaṅgenopakāraḥ siddhyati | tadidantantram | paśvarthamanuṣṭhitena prayājādinā paśu-tantra-madhya-pātinaḥ paśupuroḍāśasyāpyupakāraḥ siddhyati | so'yaṃ prasaṅgaḥ| evaṃ sati, prakṛte'pi tantra-prasaṅgayoḥ katarasyopādānamiti cet | prasaṅgasyeti brūmaḥ | kāmyaprayogeṇaiva nitya-prayogasyāpi siddhatvāt | tathā ca smṛtiḥ,— “kāmye'pi nitya-siddhiḥ syāt prasaṅgenobhayātmakaḥ”—iti | tadevamekādaśyupavāsasya nityatva-kāmyatva-lakṣaṇa-dvairūpya-virodhābhāvāt dvairūpyamabhyupeyamiti sthitam