Nirnayasindhu 21.2-4

21.2-4

yadvā saptaśatījapyahomamantro
navākṣaraḥ | 'aiṃ hrīṃ klīṃ cāmuṇḍāyai vicce iti navākṣaraḥ' iti kecit || pūjokto
grāhya iti tu yuktam || rudrayāmalepi || "pradhānadravyamuddiṣṭaṃ pāyasānnaṃ tilāstathā
kiṃśukaiḥ sarṣapaiḥ pūgairlājadūrvāṃkurairapi || yavairvā śrīphalairdivyairnānāvidhaphalaistathā
raktacandanakhaṇḍaiśca guggulaiśca manoharaiḥ || pratiślokaṃ ca juhuyātsarvadravyāṇi ca kramāt
navākṣareṇa vā hutvā namo devyai itīti ca" iti || rahasye tu-' pratiślokaṃ ca
juhuyātpāyasaṃ tilasarpiṣā' ityuktam | durgābhaktitaraṅgiṇyāṃ tu tilairjayantīmantreṇa ca
homa uktaḥ-' puraścaraṇakārye tu bilvapatrayutaistilaiḥ' iti || kālikāpurāṇādvilvapatraiśceti smārtāḥ || tanna || atra mānābhāvāt
atha validānam || tatrāśvameṣacchāgamahiṣasvamāṃsānāmuttarottaraṃ prāśastyaṃ phalaviśeṣaścānyatovaseya iti dik || baliprakārastu devīpurāṇe-"kanyāsaṃsthe ravau śakra śuklāṣṭamyāṃ prapūjayet | droṇapuṣpaiśca vilvāmrajātīpunnāgacampakaiḥ || pañcābdaṃ lakṣaṇopetaṃ gandhapuṣpasamanvitam | vidhivatkālikāliti japtvā khaḍgena ghātayet ”