Nirnayasindhu 21.8

21.8

oṃ kālikāli
yajñeśvari lohadaṇḍāyai namaḥ ' iti mantraḥ || 'taduttharudhiraṃ māṃsaṃ gṛhītvā pūjanādiṣu ||'
ādiśabdāt carakīvidārīpāparākṣasyaḥ | 'nairṛtebhyaḥ pradātavyaṃ mahākauśikamantritam'
mantrastu vakṣyate || tathā- "tasyāgrato nṛpaḥ snāyātkṛtvā śatruṃ tu paiṣṭikam | khaḍgena ghātayitvā tu dadyātskandaviśākhayoḥ " || aśaktau brāhmaṇena ca kuṣmāṇḍādibhirbalidānaṃ
kāryam || taduktaṃ kālikāpurāṇe- "kuṣmāṇḍamikṣudaṇḍaṃ ca māṃsaṃ sārasameva ca | ete
valisamāḥ proktāstṛptau chāgasamāḥ sadā || " rudrayāmalepi- "chāgābhāve tu kūṣmāṇḍaṃ
śrīphalaṃ vā manoharam | vastrasaṃveṣṭitaṃ kṛtvā chedayecchurikādinā " || tathā - "brāhmaṇena
sadā deyaṃ kūṣmāṃḍaṃ valikarmaṇi | śrīphalaṃ vā surānīśa chedaṃ naiva tu kārayet || chede
vikalpaḥ || māṣānnena valirdeyo brāhmaṇena vijānatā || ” kālikāpurāṇe- "uttarābhimukho bhūtvā baliṃ pūrvamukhaṃ tathā | nirīkṣya sādhakaḥ paścādimaṃ mantramudīrayet || paśustvaṃ
valirūpeṇa mama bhāgyādupasthitaḥ | praṇamāmi tataḥ sarvarūpiṇaṃ balirūpiṇam || caṇḍikāprītidānena dāturāpadvināśanam | cāmuṇḍābalirūpāya bale tubhyaṃ namostu te || yajñārthe
balayaḥ sṛṣṭāḥ svayameva svayaṃbhuvā | atastvāṃ ghātayāmyadya tasmādyajñe vadhovadhaḥ || e hīṃ
śrīmiti mantreṇa taṃ valiṃ matsvarūpiṇam | cintayitvā nyasetpuṣpaṃ mūrdhni tasya tu bhairava
rasanā tvaṃ caṇḍikāyā suralokamasādhakaḥ ”
"hrīṃ hrīṃ khaḍgeti mantreṇa dhyātvā khaḍgaṃ ca pūjayet || pūjayitvā tataḥ khaḍgaṃ
oṃ huṃphaḍiti mantrakaiḥ | gṛhītvā vimalaṃ khaḍgaṃ chedayedvalimuttamam || oṃ hrīṃ aiṃ hrīṃ kauśikīti rudhireṇāpyāyatāmiti | balidāne tu durgāyāḥ sarvatrāyaṃ vidhiḥ smṛtaḥ ”