Nirnayasindhu 22.2

22.2

iti || etadvayaṃ yadyapi mahānibandhedhu nāsti tathāpi pracaradrūpatvāduktamiti dik
vārāhītantre-“saṃkaṭe samanuprāpte duścikitsyāmaye tathā | jātibhraṃśe kulocchedepyāyuṣo
nāśe āgate || vairivṛddhau vyādhivṛddhau dhananāśe tathā kṣaye | tathaiva trividhotpāte tathā
caivopapātake || kuryādyatnācchatāvṛttaṃ tataḥ saṃpadyate śubham | śreyovṛddhiḥ śatāvṛtyādrājyavṛddhistathāparā || manasā cintitaṃ devi siddhyedaṣṭottarācchatāt || sahasrāvartanāllakṣmīrāvṛṇoti svayaṃ sthirā | bhuktvā manorathānkāmānnaro mokṣamavāpnuyāt | caṇḍayāḥ śatāvṛttipāṭhātsarvāḥ siddhyanti siddhayaḥ ” || iti śatacaṇḍīsahasracaṇḍīvidhiḥ
navarātrapāraṇā nirṇayaḥ
atha navarātrapāraṇā || sā ca daśamyāṃ kāryā-"āśvine māsi śukle tu kartavyaṃ
navarātrakam | pratipadādikrameṇaiva yāvacca navamī bhavet || trirātraṃ vāpi kartavyaṃ saptamyāṃ
hi yathākramam ” iti hemādrau dhaumyavacanāt || 'navamītithiparyantaṃ vṛddhyā pūjājapādikam ' iti || prāguktavacanairnavamīparyantaṃ pradhānabhūtapūjādyukterupavāsādeścāṅgatvena tatparyantatvāt || ādiśabdenopavāsokteḥ pūrvoktatrirātravrate navamyā apyupoṣyatvācca || na ca
pārarṇāntatvena trirātratvam | viṣṇutrirātrādau tathāprasakteḥ || na cātropavāse mānābhāva
iti vācyam | “ evaṃ ca vindhyavāsinyāṃ navarātropavāsataḥ | ekabhaktena naktena tathaivāyācitena ca || pūjanīyā janairdevī sthāne sthāne pure pure ” iti hemādrau bhaviṣyokteḥ
navarātrasamākhyāto navamyā apyupoṣyatvācca || nanu tithihrāse'ṣṭāvapyupavāsā bhavantīti
kathaṃ samākhyā || tena karmaviśeṣe navarātraśabdo rūḍhaḥ || ata evoktaṃ devīpurāṇe “tithivṛddhau tithihrāse navarātramapārthakam” iti cenna | tithihrāsepi navatithīnāmupoṣyatvānnavarātratvākṣateḥ || etena rātrīṇāṃ prādhānyāt hrāse amāmādāya navatvamiti mūrkhoktiḥ
parāstā
yattu devīpurāṇe | "kanyāsaṃsthe ravau śakra śuklāmārabhya nandikām | ayācī hyatha
vaikāśī naktāśī vāthavāmbudaḥ ||” iti vratacatuṣṭayamuktaṃ tallohābhisārikaviṣayam | tasya
"jayābhilāṣī nṛpatiḥ pratipatprabhṛtikramāt | lohābhisārikaṃ karma kārayedyāvadaṣṭamī" iti
bhaviṣye'ṣṭamīparyantamevokteḥ || rūpanārāyaṇena tu nandādivrataprayogaṃ pṛthagevoktvā tasya
navamyāṃ pāraṇamuktam || yadapi nirṇayadīpe- "āśvine śuklapakṣe tu navarātramupoṣitaḥ
navamyāṃ pāraṇaṃ kuryāddaśamīmiśritā na cet || daśamīmiśritā yatra pāraṇe navamī bhavet
duḥkhadāridradā jñeyā tathā vratavināśinī"