Nirnayasindhu 24.3-6

24.3-6

ayaṃ pradoṣavyāpī grāhyaḥ-“ tulāsaṃsthe sahasrāṃśau
pradoṣe bhūtadarśayoḥ | ulkāhastā narāḥ kuryuḥ pitṝṇāṃ mārgadarśanam” iti jyotiṣokteḥ
dinadvaye sattve paraḥ-“ daṇḍaikarajanīyoge darśaḥ syāttu pare'hani | tadā vihāya pūrvedyuḥ
pare'hni sukharātrikā” iti tithitattve jyotirvacanāt || divodāsīye tu pradoṣasya karmakālatvāt | “ ardharātre bhavetyeva lakṣmīrāśrayituṃ gṛhān | ataḥ svalaṃkṛtā liptā dāparjāgrajjanotsavāḥ || sudhādhavalitāḥ kāryāḥ puṣpamālopaśobhitāḥ” iti brāhmokteśca
pradoṣārdharātravyāpinī mukhyā ekaikavyāptau paraiva || pradoṣasya mukhyatvādardharātrenuṣṭheyābhāvācca | yastu-“ aparāhne prakartavyaṃ śrāddhaṃ pitṛparāyaṇaiḥ | pradoṣasamaye rājan kartavyā
dīpamālikā” iti kramaḥ | sa saṃpūrṇatithāveva prāpteranuvādo na vidhiḥ | tattatkarmakālavyāpterbalavattvātsaṃpūrṇātithau prāptyā khaṇḍatithāvaprāptyāvidhyanuvādavirodhāccetyuktam
atrā'lakṣmī nivāraṇam
atraiva darśe pararātre'lakṣmīniḥsāraṇamuktaṃ madanaratne bhaviṣye- "evaṃ gate niśīthe tu jane
nidrārdhalocane | tāvannagaranārībhiḥ śūrpaḍiṃḍimavādanaiḥ | niṣkāsyate prahṛṣṭābhiralakṣmīḥ
svagṛhāṅkaṇāt"
kārttikaśuklapratipannirṇayaḥ
kārttikaśuklapratipadi gokrīḍanamuktaṃ nirṇayāmṛte-asyāmeva rātrau baleḥ pūjoktā hemādrau
bhaviṣye- "kṛtvaitatsarvameveha rātrau daityapaterbaleḥ | pūjāṃ kuryānnṛpaḥ sākṣādbhūmau maṇḍalake
śubhe || valimālikhya daityendraṃ varṇakaiḥ pañcaraṅgakaiḥ | gṛhasya madhye śālāyāṃ viśālāyāṃ
tato'rcayet || lokaścāpi gṛhasyāṃtaḥ śayyāyāṃ śukkataṇḍulaiḥ | saṃsthāpya balirājānaṃ
phalaiḥ puṣpaistu pūjayet"