Nirnayasindhu 26.2-15

26.2-15

iti skāndavacanāt | pūrvāparavibhāgeneti makarakarkabhinnāvaṣayam | pūrvoktavacovirodhāditi madanaratne uktam | ‘ṣaḍaśītimukhe'tīte atīte cottarāyaṇe'
ityādivirodhācca || tena pūrvaikavākyatayāyamarthaḥ | rātrau pūrvabhāge makarasaṃkrame pare'hni
udaye pañca nāḍyaḥ puṇyāḥ, rātrāvaparabhāge karkasaṃkrame pūrvadinānte pañca nāḍya iti
evaṃ sarveṣāmavirodhaḥ
makare sāmānyena paradine puṇyatvepiṃ puṇyātiśayārthamidam | yattu devalayajñapārśvau“āsanne saṃkramaṃ puṇyaṃ dinārdhaṃ snānadānayoḥ | rātrau saṃkramaṇe bhānorviṣuvatyatha no divā”
iti || atra mādhavaḥ | ayane divā jāte tadardhaṃ puṇyam | karke pūrvaṃ makarentyam | etanmadhyaṃdināyataparamiti || hemādristu rātrau viṣuvatyāsannadinārdhaṃ puṇyam | ayane tvāsannadinaṃ
puṇyam | dine iti pāṭhe ubhayatra dinārdhaṃ puṇyamityāha || etadevoktaṃ dīpikāyām"athāyanamadhaḥ paścānnithīthāddvedyadyāsannamahastadardhamathavā puṇyam ' iti || tattvaṃ tu
āsannasaṃkramamityasya viṣuvatyevānvayaḥ | ayane rātrau sati dine puṇyam | kasminnityapekṣāyāṃ karke pūrve'hni makare parehni iti vākyāntaravaśādardhe ucyamāne na kopi virodhaḥ
yattvanantabhaṭṭaḥ-“atha saṃkramaṇaṃ bhānorniśīthātprāk yadā bhavet | ayanaṃ viṣuvaṃ tatra
prāgdinānti manāḍikāḥ || pañca puṇyatamāḥ paścānnithīthāccedvevattathā | ādyāḥ paradinasyāpi tadvadityeṣa nirṇayaḥ”