Nirnayasindhu 41.2-4

41.2-4

”
vivāhamaṃḍapanirṇayaḥ
vivāhamaṇḍapamāha vasiṣṭhaḥ-"ṣoḍaśāratnikaṃ kuryāccaturdvāropaśobhitam| maṇḍapaṃ toraṇairyuktaṃ
tatra vediṃ prakalpayet|| aṣṭahastaṃ tu racayenmaṇḍapaṃ vā dviṣaṭkaram||" daivajñamanoharaḥ"citrā viśākhā śatatārakāśvinī jyeṣṭhābharaṇyā śivabhāccatuṣṭayam| hitvā praśastaṃ phalatailavedikāpradānakaṃ kaṇḍanamaṇḍapādikam||" hemādrau vyāsaḥ-"kaṇḍanadalanayavārakamaṇḍapamṛdvedirṇavakāryākhilam| tatsaṃbandhigatāgatamṛkṣe vaivāhike kuryāt||" yavārakaṃ 'ciksā'
iti prasiddham || "vaivāhike tu divase śubhe vātha tithau śubhe || caturthīkaṃ prakurvīta
vidhidṛṣṭena karmaṇā||"
vedimāha nāradaḥ- "hastocchritāṃ caturhastaiścaturastrāṃ samantataḥ| stambhaiścaturbhiḥ sulakṣaṇāṃ
vāmabhāge tu sadmani || samāṃ tathā caturdikṣu sopānairatiśobhitām| prāgudakpravaṇārambhāṃ
stambhahaṃsaśukādibhiḥ|| evaṃvidhāmārurukṣonmithunaṃ sāgnivedikām