Nirnayasindhu 51.6

51.6

” iti
eṣāṃ lakṣaṇāni bhaviṣye-“ahanyahani yacchrāddhaṃ tannityamiti kīrtitam | vaiśvadevavihīnaṃ
tadaśaktāvudakena tu || ekoddiṣṭaṃ tu yacchrāddhaṃ tannaimittikamucyate | tadapyadaivaṃ kartavyamayugmān bhojayedvijān || kāmāya vihitaṃ kāmyamabhipretārthasiddhaye | vṛddhau yat kriyate
śrāddhaṃ vṛddhiśrāddhaṃ taducyate || gandhodakāṃtilairyuktaṃ kuryātpātracatuṣṭayam | ardhyārtha pitṛpātreṣu pretapātraṃ prasecayet || ye samānāiti dvābhyāmetajjñeyaṃ sapiṇḍanam” || 'nityena tulyaśeṣaṃ
syādekoddiṣṭaṃ striyā api ||' etadubhayameva striyāḥ | tena strīkartṛkaṃ strīsaṃpradānakaṃ cetyubhayaniyama iti kalpataruḥ || “amāvāsyāyāṃ yat kriyate tat pārvaṇamiti smṛtam
kriyate vā parvaṇi yattat pārvaṇamiti sthitiḥ ||”
atra parva-“caturdaśyaṣṭamī caiva hyamāvāsyā ca paurṇimā | parvāṇyetāni rājendra ravisaṃkramaṇaṃ tathā” iti viṣṇupurāṇoktaṃ saṃkrāntyādi || “goṣṭhyāṃ yat kriyate śrāddhaṃ
goṣṭhīśrāddhaṃ taducyate | bahūnāṃ viduṣāṃ saṃpatsukhārthaṃ pitṛtṛptaye || kriyate śuddhaye yattu
brāhmaṇānāṃ tu bhojanam | śuddhayarthamiti yat proktaṃ vainateya manīṣibhiḥ || niṣedhakāle some ca sīmantonnayane tathā | jñeyaṃ puṃsavane caiva śrāddhaṃ karmāṅgameva ca
devānuddiśya yacchrāddhaṃ tattu daivikamucyate | gacchan deśāntaraṃ yastu śrāddhaṃ kuryāttu sarpiṣā
yātrārthamiti tat proktaṃ praveśe ca na saṃśayaḥ | śarīropacaye śrāddhamarthopacaya eva ca
puṣṭyarthametadvijñeyamaupacārikamucyate