Nirnayasindhu 52.2

52.2

”
atha śrāddhadeśāḥ
manuḥ-“śucideśaṃ viviktaṃ tu gomayenopalepayet | dakṣiṇāpravaṇaṃ caiva prayatnenopapādayet||”
pṛthvīcandrodaye viṣṇudharme-“dakṣiṇāpravaṇe deśe tīrthādau ca gṛhepi vā | bhūmasaṃskārādisaṃyukte śrāddhaṃ kuryāt prayatnataḥ ||” tatraiva prabhāsakhaṇḍe-‘tīrthādaṣṭaguṇaṃ puṇyaṃ svagṛhe
dadataḥ śubhe || ' bhārate-“ tasya deśāḥ kurukṣetraṃ gayā gaṅgā sarasvatī | prabhāsaṃ puṣkaraṃ
ceti teṣu śrāddhaṃ mahāphalam ||” skānde-“ tulasīkānanacchāyā yatra yatra bhaveddvija
tatra śrāddhaṃ pradātavyaṃ pitṝṇāṃ tṛptihetave ”
mādhavīye śrāddhopakrame vyāsaḥ- 'mahodadhau prayāge ca kāśyāñca kurujāṅgale' | śaṅkhaḥ"gaṅgāyamunayostīre payoṣṇyamarakaṇṭake | narmadābāhudātīre bhṛguliṅge himālaye || gaṅgādvāre prayāge ca naimiṣe puṣkare tathā | sannihatyāṃ gayāyāṃ ca dattamakṣayatāṃ vrajet || api
jāyeta sosmākaṃ kule kaścinnarottamaḥ | gayāśīrṣe vaṭe śrāddhaṃ yo no dadyātsamāhitaḥ
eṣṭavyā bahavaḥ putrā yadyekopi gayāṃ vrajet | yajeta vāśvamedhena nīlaṃ vā
vṛṣamutsṛjet”