Nirnayasindhu 52.3

52.3

amāvāsyāyāṃ tu viśeṣeṇa iti nigamokterguṇoparapakṣaśrāddhasyāmāvāsyeti śūlapāṇimatamapyapāstam || 'aśaktau darśanāpi māsiśrāddhasiddhiḥ' iti nārāyaṇavṛttiḥ
nirāgnikāṇāṃ kasmiṃściddine | āhitāgnestu darśa eva | 'na darśena vinā śrāddhamāhitāgnerdvijanmanaḥ ' iti mantūkteḥ || sarvakṛṣṇapakṣāśaktau mātsye-“anena vidhinā śrāddhaṃ
trigbandasyeha nirvapet || kanyākumbhatṛṣasthe'rke kṛṣṇapakṣe ca sarvadā ||” karkopi-'āhitāgneḥ saṃvatsare triḥ śrāddhaniyamaḥ' iti || devalaḥ-“ anena vidhinā śrāddhaṃ kuryātsaṃvatsaraṃ sakṛt | dviścaturvā yathāśrāddhaṃ māse māse dinedine ||” kṛṣṇapakṣeṣvapi mahālayaśreṣṭhatvam | taccoktaṃ prāk || vyatīpāte viśeṣamāha hemādrau śaṅkhaḥ-“ phalaṃ lakṣaguṇamutpattau
bhramaṇe koṭirucyate | patane śatakoṭayastu pāte vai dattamakṣayam ||” jyotiḥ śāstre"dvāviṃśatistathotpattau bhramaṇe caikaviṃśatiḥ | patane daśanāḍyastu patite sapta nāḍikāḥ||"
anyo ca dvau vyatīpātau prāguktau
hemādrau mārkaṇḍeyaḥ-“ yadā ca śrotriyobhyeti gṛhaṃ vedavidagnivit | tenaikenāpi kartavyaṃ
śrāddhaṃ ca viṣuvacchubham || ” idaṃ cāpiṇḍaṃ kāryamiti hemādriḥ || etajjīvatpitṛkopi
kuryāt | “ udvāhe putrajanane pitryeṣṭyāṃ saumike makhe | tīrthe brāhmaṇa āyāte ṣaḍete
jīvan pituḥ ” iti maitrāyaṇīyapariśiṣṭokteḥ || tithiviśeṣe phalaviśeṣo yājñavalkyenoktaḥ-“kanyāṃ kanyāvedinaśca paśūnvai satsutānapi | dyūtaṃ kṛṣiṃ ca vāṇijyaṃ dviśaphaikaśaphāṃstathā || brahmavarcasvinaḥ putrān svarṇaraupye sakupyake | jñātiśraiṣṭhyaṃ sarvakāmānāpnoti
śrāddhadaḥ sadā || pratipatprabhṛtiṣvekāṃ varjayitvā caturdaśīm