Nirnayasindhu 64.3-2

64.3-2

” atra pravāsatīrthagrahaṇādāvāmahemaśrāddhameva pākathrāddhaṃ
tu na bhavatyeveti hemādriratnāvalyādayaḥ
aparārkavijñāneśvarādayastu-‘pākābhāve dvijātīnāmāmāśrāddhaṃ vidhīyate’ iti sumantūkteḥ
sāmrikairniragnikaiśca pravāsādau sarvatra pākābhāve āmādi kāryam | pākasambhave tvannenaivetyāhuḥ || ata eva pākathrāddhamuktvā-“etaccānupanītopi kuryātsarveṣu karmasu | bhāryāvirahitopyetatpravāsasthopi nityaśaḥ” iti mātsye niragnerapi | pākenoktamiti
śūlapāṇikalpatarū || etacchabdaḥ śrāddhamātrapara ityanye || 'ekoddiṣṭaṃ tu kartavyaṃ pākenaiva
sadā svayam' iti laghuhārītīyamapi sāgnereva || niragnermahaikoddiṣṭamapyāmena || śūdrasya tu
daśāhapiṇḍādyāmeneti halāyudhaḥ || utsannāgnīnāṃ tvāmaśrāddhameva pūrvoktajamadagnivākyāt
marīciḥ- "śrāddhavighne dvijātīnāmāmāśrāddhaṃ prakīrtitam | amāvāsyādiniyataṃ māsasaṃvatsarāhate ||" smṛtidarpaṇe-“ mṛtāhaṃ ca sapiṇḍaṃ ca gayāśrāddhaṃ mahālayam || āpannopi na
kurvīta śrāddhamāmena karhicit ||" hemādrau vyāsaḥ- " āmaṃ dadattu kaunteya dadyādāmaṃ
caturguṇam | dviguṇaṃ triguṇaṃ vāpi na tvekaguṇamarpayet | siddhānne tu vidhiryaḥ syādāmāśrāddhepyasau vidhiḥ | āvāhanādi sarvaṃ syāt piṇḍadānaṃ ca bhārata || dadyādyacca dvijātibhyaḥ
śrutaṃ vāśrutameva vā | tenāgnaukaraṇaṃ kuryāt piṇḍāṃstenaiva nirvapet