Nirnayasindhu 69.2

69.2

laugākṣiḥ- "mṛtāhani samāsena piṇḍanirvapaṇaṃ pṛthak || navaśrāddhaṃ ca dampatyoranvārohaṇa eva tu ||" samāsena tu tantreṇa dvipitṛkaśrāddhavaddvayorekaḥ piṇḍo vipraśca
piṇḍaśabdaḥ śrāddhaparaḥ || navaśrāddhaṃ pṛthaṃgiti hemādripṛthvīcandrau || atra mṛtāhanītyekatvāt || dinabhede dinaikye vā mṛtatithirakatve kālaikyaṃ kartaikyaṃ pākaikyaṃ ca
"ekacityādhirohe tu tithirekaiva jāyate | ekapākena piṇḍaikye dvayorgṛhṇīta nāmanī"
iti smṛtyantarācca
antyeṣṭipaddhatau bhaṭṭairapyudāhṛtam- "anvārohe tu nārīṇāṃ patyuścaikodakakriyā | piṇḍadānakriyā tadvacchrāddhaṃ pratyābdikaṃ tathā || navaśrāddhāni sarvāṇi sapiṇḍīkaraṇaṃ pṛthak
eka eva vṛṣotsargo gaurekā tatra dīyate