Baudhayanaprayogamala 3

Baudhāyanaprayogamālā 3

Language: Sanskrit

3.1 — 5 parts
3.5-2 — 12 parts

3.1.1

āmaśrāddhapakṣe | pūrvoktaprakāreṇa pādyāsanādikaṃ datvā, bhojanacaturguṇaparimitataṇḍulān sasopaskarān pātradvaye nidhāya, savyāhṛtigāyatryā prokṣya
nāndīsatyavasusaṃjñakā viśvedevā nāndīmukhā bhūrbhuvaḥsuvaridaṃ vo yugmabrāhmaṇabhojanaparyāptamidamāmaṃ svāhā na mameyaṃ ca vṛddhiḥ | punaḥ pūrvavat
prokṣya | nāndīmātṛpitāmahītyādi = yugmabrāhmaṇabhojanaparyāptamidamāmaṃ svāhā na mameyaṃ ca vṛddhiḥ | evaṃ pitrādibhya mātāmahādibhyaśca
dadyāt || ityāmaśrāddhavidhiḥ || yasmin dine nāndīśrāddhaṃ kuryāttasyāmeva rātrau udakaśāntipratisarabandhau kuryāt | tāvagre vakṣyete
atha snānapavanādiprayogaḥ || kārikāyāṃ "nāndīmukhaṃ ca puṇyāhaṃ snānaṃ pavanamācamam | mantraprokṣaṇakaṃ kuryāt karmādau ṣaḍvidhaṃ gṛhī"
iti | eteṣāṃ karmādāvāvaśyakatvādādau snānapavanādiprayogo likhyate | athāparedyuḥ kartā sapatnīkassaṃsakāryeṇa saha prātarmaṅgalasnānādinityakarma kṛtvā''sane prāṅmukha upaviśyācamya prāṇānāyamya deśakālau saṅkīrtyāmukakarmakartuṃ mama śarīraśuddhyarthaṃ snānapavanamantrācamanamantraprokṣaṇāni
kariṣye iti saṅkalpya || oṃ āpo̱hiṣṭhā ma̍yo̱bhuva̱stāna̍ ū̱rje da̍dhātana | ma̱heraṇā̍ya̱ cakṣa̍se || oṃ yova̍ḥ śi̱vata̍mo̱ rasa̱stasya̍ bhājayate̱ ha na̍ḥ
u̱śa̱tīri̍va mā̱tara̍ḥ || oṃ tasmā̱ ara̍ṃgamāmavo̱ yasya̱ kṣayā̍ya̱ jinva̍tha | āpo̍ ja̱naya̍thā ca naḥ || iti triruktvā | navamārjanāni kṛtvā
tallakṣaṇaṃ tu "bhuvi mūrdhni tathā'kāśe mūrddhyākāśe tathā bhuvi | ākāśe bhuvi mūrdhni syānnavamārjanalakṣaṇam ||” athaikaviṃśatidarbhapūñjīlān

3.1.2

tredhā vibhajya prathamabhāgaṃ gṛhītvā "oṃ bhūrḥ citpati̍stvā punā̱tvacchi̍dreṇa pa̱vitre̍ṇa vasoḥsūrya̍sya ra̱śmibhi̍ḥ” ityāsyamārabhya śirontaṃ triḥ parimṛjet
“oṃ bhuva̍ḥ vā̱kpati̍stvā .... ra̱śmibhi̍ḥ” iti nābhimarabhyāsyāntaṃ triḥ parimṛjet | “oṃ suva̍ḥ de̱vastvā̍ savi̱tā pu̍nātu .... ra̱śmibhi̍ḥ”
iti nābhimarabhya gulphāntaṃ triḥ parimṛjet | tāndarbhānadbhirabhyukṣyòdaṅga nirasyāpaupaspṛśya mantrācamanaṃ kuryāt | oṃ āpo̱hiṣṭhā .... cakṣa̍sa
iti prathamam | oṃ yova̍ḥśi̱vata .... māta̱r iti dvitīyam | oṃ tasmā̱ .... yathācana̱ iti tṛtīyam | svāheti prāśyāṅguṣṭhamūlena mukhaṃ
vyāhṛtibhiḥ triḥparimṛjya savyaṃ pāṇiṃ pādau prokṣyāṅguṣṭhānāmikābhyāṃ cakṣuṣī, aṅguṣṭhatarjanībhyāṃ nāsike, aṃṅguṣṭhakaniṣṭhikābhyāṃ śrotre, aṅguṣṭhamadhyamābhyāṃ bāhumūle, aṅguṣṭhena nābhiṃ, pāṇitalena hṛdayaṃ, pañcabhiḥ śiraḥ, iti pratyekamupaspṛśya punardvirācamediti mantrācamanam || atha
mantraprokṣaṇam || oṃ da̱dhikrāvṇòakāriṣaṃ ji̱ṣṇoraśva̍syavā̱jina̍ḥ| su̱ra̱bhi no̱mukhā̍ka̱ratpraṇa̱āyu̍m̐ṣiṃtāriṣat (1) | oṃ āpo̱hiṣṭhā .... cakṣa̍se
(2) iti śirasi dve | oṃ yova̍ḥśi̱vata .... ja̱naya̍thā ca naḥ (4) iti mukhe dve | oṃ yacci̱ddhi te̱ viśò̍ yathā̱ prade̍va varuṇa vra̱tam
minīmasi̱ dyavi̍dyavi (5) | oṃ yatkiñcedaṃ varuṇa daivye̱ jane̍bhidro̱haṃ ma̍nu̱ṣyā̍ścarā̍masi | aci̍ttī̱ yattava̱ dharmā̍ yuyopi̱mamāna̍stasmā̱dena̍so
devarīriṣaḥ (6) iti grīvāyāṃ dve | ki̱ta̱vāso̱ yadi̍ri̱purna dī̱vi yadvā̍ghāsa̱tyamu̱tayanna vi̱dma | sarvā̱tā viṣya̍ śithi̱reva̍ de̱vāthā̍ tesyāma varuṇa

3.1.3

priyāsa̍ḥ (7) | oṃ hira̍ṇyavarṇā̱ḥ śuca̍yaḥ pāva̱kā yāsu̍ jā̱taḥ ka̱śyapo̱ yāsvindra̍ḥ | a̱gniṃ yā garbha̍ndadhi̱re virū̍pā̱stāna̱ āpa̱ḥ śagm̐syo̱nā
bha̍vantu (8) iti dakṣiṇavāmabāhvoḥ | oṃ yāsā̱gam̐ rājā̱ varu̍ṇo yā̱ti madhye̍ satyānṛ̱te a̍va̱paśya̱ṃ janā̍nām | madhu̍ścyuta̱ḥ śuca̍yo̱ yāḥ
pāva̱kāstāna̱ āpa̱ḥ śagm̐syo̱nā bha̍vantu (9) | oṃ yāsā̍m̐ de̱vā di̱vi kṛ̱ṇvanti̍ bha̱kṣaṃ yā a̱ntari̍kṣe bahu̱dhā bhava̍nti | yāḥ pṛ̍thi̱vīṃ paya̍soṃda̱nti
śu̱krāstāna̱ āpa̱ḥ śagm̐syo̱nā bha̍vantu (10) iti vakṣasi dve | oṃ śi̱vena̍mā̱cakṣu̍ṣā paśyatāpaḥ śi̱vayā̍ta̱nuvopa̍spṛśata̱tvaca̍ṃ me | sarvā̍m̐gum̐a̱gnigūm̐
ra̍psuṣa̱dauhu̱vevo̱mayi̱varco̱bala̱mojo̱ nidha̍tta (11) | oṃ pava̍māna̱ssuva̱rjana̍ḥ | pa̱vitre̍ṇa̱ vica̍rṣaṇiḥ | yaḥ potā̱ sa pu̍nātu mā (12) iti
hṛdaye dve | oṃ puna̱ntu māṃ de̍vaja̱nāḥ | puna̱ntu mana̍vo dhi̱yā | puna̱ntu viśva̍ ā̱yava̍ḥ (13) | oṃ jāta̍vedaḥ pa̱vitra̍vat | pa̱vitre̍ṇa punāhi mā
śu̱kreṇa̍ deva̱dīdya̍t | agne̱ kratvā̱kratū̱gūm̐ranu̍ (14) iti nābhau dve | oṃ yatte̍ pa̱vitra̍ma̱rciṣi̍ | agne̱ vita̍tamanta̱rā | brahma̱ tena̍ punīmahe (15)
oṃ u̱bhābhyā̍ṃ deva savitaḥ | pa̱vitre̍ṇa sa̱vena̍ ca | idaṃ brahma̍ punīmahe (16) iti pārśvayordve | oṃ vaiśva̍de̱vī pu̍na̱tī de̱vyāgā̍t | yasyai̍
ba̱hvī sta̱nuvo̍ vī̱tapṛ̍ṣṭhāḥ | tayā̱ mada̍ntaḥ sadha̱mādye̍ṣu | va̱yagūm̐ syā̍ma̱ pata̍yo rayī̱ṇām (17) | oṃ vai̱śvā̱na̱ro ra̱śmibhi̍rmā punātu | vāta̍ḥ

3.1.4

3.1.5

sarvāṅge dve | iti dvātriṃśanmārjanāni ṣoḍaśasthāneṣu yugmayugmakrameṇa mārjayet | anyaiśca pavitramantrairātmānaṃ prokṣedityuktatvāt | oṃ
śanno̍de̱vīra̱bhiṣṭa̍ya̱ āpo̍ bhavantu pī̱taye̍ | śaṃyora̱bhisra̍vantu naḥ | kayā̍naści̱tra ābhu̍vadū̱tīsa̱dāvṛ̍dha̱ssakhā̍ | kayā̱śaci̍ṣṭhayāvṛ̱tā | kastvā̍sa̱tyomadā̍nā̱magum̐hi̍ṣṭhomatsa̱dandha̍saḥ | dṛ̱ḍhāci̍dā̱ruje̱vasu̍ | abhīṣuṇa̱ssakhī̍nāmavi̱tāja̍ri̱tṝṇā̍m śa̱tambha̍vāsyū̱tibhi̍ḥ | oṃ tara̍tsama̱ndī dhā̍vati̱dhārā̍
su̱tasyāndha̍saḥ | tara̍tsa̱mandīdhā̍vati | u̱srāve̍du̱vasū̍nā̱ṃ marta̍sya de̱vyarva̍saḥ | tara̍tsa̱mandīdhā̍vati | dhva̱srayo̍ḥ puru̱ṣantyo̱rāsa̱hasrā̍ṇi da̱dmahe
tara̍tsa̱mandīdhā̍vati | āyayo̍stri̱m̐śa̱tanta̍nā̱ṃ sahasrā̍ṇica̱dmahe | tara̍tsa̱mandīdhā̍vati (4) iti mārjayitvā, anena snānapavanamantrācamanamantraprokṣaṇakarmaṇā śrīparameśvaraḥ prīyatām
gajakarṇakaḥ || lambodaraśca vikaṭo vighnarājo gaṇādhipaḥ

3.2

dhūmraketurgaṇādhyakṣo bhālacandro gajānanaḥ || dvādaśaitāni nāmāni yaḥ
paṭhecchṛṇuyādapi

3.3

vidyārambhe vivāhe ca praveśe nirgame tathā || saṅgrāme sarvakāryeṣu vighnastasya na jāyate

3.4

śuklāmbaradharaṃ viṣṇuṃ
śaśivarṇaṃ caturbhujam || prasannavadanaṃ dhyāyetsarvavighnopaśāntaye

3.5

abhīpsitārthasiddhyarthaṃ pūjito yaḥ surairapi || sarvavighnacchide tasmai
gaṇādhipataye namaḥ

3.6

sarveṣu kāleṣu samastadeśeṣvaśeṣakāryeṣu tatheśvareśvaraḥ || sarvaiḥ svarūpairbhagavānanādirmamāstu māṅgalyavivṛddhaye hariḥ

3.7

yatra yogeśvaraḥ kṛṣṇo yatra pārtho dhanurdharaḥ || tatra śrīrvijayo bhūtirdhruvānītirmatirmama

3.8

ananyāścintayanto māṃ ye janāḥ
paryupāsate || teṣāṃ nityābhiyuktānāṃ yogakṣemaṃ vahāmyaham

3.9

smṛte sakalakalyāṇabhājanaṃ yatra jāyate || puruṣaṃ tamahaṃ nityaṃ vrajāmi
śaraṇaṃ harim

3.10

sarveṣvārabdhakāryeṣu trayastribhuvaneśvarāḥ || devā diśantu naḥ siddhiṃ brahmeśānajanārdanāḥ

3.11

sarvadā sarvakāryeṣu
nāsti teṣāmamaṅgalam || yeṣāṃ hṛdistho bhagavānmaṅgalāyatanaṃ hariḥ

3.12

maṅgalaṃ bhagavānviṣṇurmaṅgalaṃ madhusūdanaḥ || maṅgalaṃ puṇḍarīkākṣo
maṅgalaṃ garuḍadhvajaḥ

3.13

sarvamaṅgaladātārau pārvatīparameśvarau || gaṇeśaskandasaṃyuktau vande vāñchitasiddhaye

3.14

yaḥ śivo
nāmarūpābhyāṃ yā devī sarvamaṅgalā || tayossaṃsmaraṇātpuṃsāṃ sarvato jayamaṅgalam

3.15

tadeva lagnaṃ sudinaṃ tadeva tārābalaṃ candrabalaṃ tadeva
vidyābalaṃ daivabalaṃ tadeva lakṣmīpate te'ṅghriyugaṃ smarāmi

3.5-2.1

lakṣmīnārāyaṇābhyāṃ namaḥ | sītārāmabhyāṃ namaḥ | umāmaheśvarābhyāṃ
namaḥ | vāṇīhiraṇyagarbhābhyāṃ namaḥ | śacīpurandarābhyāṃ namaḥ | arundhatīvasiṣṭhābhyāṃ namaḥ | durgāyai namaḥ | gaṇapataye
namaḥ | kṣetrapālāya namaḥ | vāstupuruṣāya namaḥ | mātṛbhyo namaḥ | pitṛbhyo namaḥ | ācāryebhyo namaḥ | grāmādhidevatābhyo namaḥ | iṣṭadevatābhyo namaḥ | kuladevatābhyo namaḥ | sarvebhyo devebhyo namaḥ | sarvebhyo brāhmaṇebhyo namaḥ
śrīmadbhagavadvodhāyanācāryebhyo namaḥ || sumuhūrtamastviti bhavanto bruvantu | sumuhūrtamastviti prativacanam || oṃ de̱vīṃ vāca̍majanayanta
de̱vāḥ | tāṃ vi̱śvarū̍pāḥ pa̱śavo̍ vadanti | sā no̍ ma̱ndreṣa̱mūrja̱ṃ duhā̍nā | dhe̱nurvāga̱smānupa̱suṣṭu̱taitu̍ | oṃ bhā̱ga̱dheye̍nai̱vaina̍ṃ praṇayati | brā̱hma̱ṇā
ā̍rṣe̱ya u̱ddhare̍t | brā̱hma̱ṇo vai sarvā̍ de̱vatā̍ḥ | sarvā̍bhire̱vaina̍ṃ de̱vatā̍bhiruddha̍rati || sarvebhyo brāhmaṇebhyo namaḥ | iti brāhmaṇānmaskṛtya
deśakālau saṅkīrtya evaṃ guṇaviśeṣaṇaviśiṣṭāyāṃ śubhatithau kariṣyamāṇasyāmukakarmaṇo nirvighnena parisamāptyarthaṃ gaṇapatipūjāṃ kariṣye || oṃ
ga̱ṇānā̍ṃ tvā ga̱ṇapa̍tigum̐havāmahe ka̱viṃ ka̍vī̱nāmu̍pa̱maśra̍vastamam | jye̱ṣṭha̱rāja̱ṃ brahma̍ṇāṃ brahmaṇaspata̱ āna̍ḥ śṛ̱ṇvannū̱tibhi̍ssīma̱ sāda̍nam || gaṇapataye
namaḥ dhyānaṃ samarpayāmi | dūrvākṣatān gṛhītvā | oṃ bhūḥ gaṇapatimāvāhayāmi | oṃ bhuvaḥ gaṇapatimāvāhayāmi | oṃ suvaḥ gaṇapatimāvāhayāmi | oṃ bhūrbhuvaḥsuvaḥ gaṇapatimāvāhayāmi | gaṇapataye namaḥ āsanaṃ samarpayāmi | gaṇapataye namaḥ pādyaṃ samarpayāmi

3.5-2.2

gaṇapataye namaḥ arghyaṃ samarpayāmi | gaṇapataye namaḥ ācamanaṃ samarpayāmi | gaṇapataye namaḥ snānaṃ samarpayāmi | gaṇapataye namaḥ punarācamanaṃ samarpayāmi | gaṇapataye namaḥ vastraṃ samarpayāmi | gaṇapataye namaḥ upavītaṃ samarpayāmi | gaṇapataye namaḥ ābharaṇaṃ samarpayāmi
gaṇapataye namaḥ gandhān samarpayāmi | gaṇapataye namaḥ akṣatān samarpayāmi | gaṇapataye namaḥ puṣpāṇi samarpayāmi | gaṇapataye namaḥ
dhūpaṃ samarpayāmi | gaṇapataye namaḥ dīpaṃ samarpayāmi | gaṇapataye namaḥ naivedyaṃ samarpayāmi | gaṇapataye namaḥ tāmbūlaṃ samarpayāmi
gaṇapataye namaḥ nīrājanaṃ samarpayāmi | gaṇapataye namaḥ mantrapuṣpaṃ samarpayāmi | gaṇapataye namaḥ pradakṣiṇaṃ samarpayāmi | gaṇapataye namaḥ
namaskāraṃ samarpayāmi | gaṇapataye namaḥ suvarṇapuṣpaṃ samarpayāmi | vakratuṇḍa mahākāya sūryakoṭi samaprabha | avighnaṃ kuru me deva sarvakāryeṣu
sarvadā || gaṇapataye namaḥ prārthanāṃ samarpayāmi | gaṇapataye namaḥ sarvopacārapūjāṃ samarpayāmi || anena pūjārādhanena mahāgaṇapatiḥ
prīyatām || atha haste phalatāmbūlāni gṛhītvā || oṃ kṣe̱trasya̍ pa̱tinā̍ va̱yagum̐hi̱tene̍va jayāmasi | gāmaśva̍ poṣayi̱tnvāsanno̍mṛḍātī̱dṛśe̍
oṃ kṣe̱trasya̍pate̱ madhu̍mantamū̱rmiṃ dhe̱nuri̍va̱ payo̍ a̱smāsu̍dhukṣva || madhu̍ścutaṃ ghṛ̱tami̍va̱ supūrta̱mṛta̍sya̍ na̱ḥ pata̍yo ma़ṛḍayantu || kṣetrapālāya namaḥ || oṃ
vāsto̍ṣpate̱ prati̍jānīhya̱smāntsvā̍ve̱śo a̍namī̱vo bha̍vānaḥ || yattvema̍he̱ prati̱tanno̍juṣasva̱ śanna̍ edhi dvi̱pade̱ śaṃ catu̍ṣpade || oṃ vāsto̍ṣpate̱ śagma̍yā

3.5-2.3

sa̱gum̐sa̍dātesakṣīmahi̍ra̱ṇvayā̍gā̱tumatyā̍ || āva̱ḥkṣema̍u̱tayoge̱vara̍nno yū̱yaṃ pā̍taḥ sva̱stibhi̱rasadā̍naḥ || a̱mī̱va̱hā vāsto̍ṣpate̱ viśvā̍rū̱pāṇyā̍vi̱śan
sakhā̍ su̱śeva̍ edhi naḥ || vāstoṣapataye namaḥ || ityakṣatapuñjeṣu phalatāmbūlāni nikṣipya puṇyāhavācanaṃ kuryāt || atha karttā prāṇānāyaṃmya
deśakālau saṅkīrtya, evaṃguṇaviśeṣaṇaviśiṣṭāyāṃ śubhatithau kariṣyamāṇāmukakarmaṅgatayā vihitaṃ śāntyarthaṃ tuṣṭyarthaṃ puṣṭyarthaṃ vṛddhyarthaṃ ca brāhmaṇaissaha
svastipuṇyāhavācanaṃ kariṣye, iti saṅkalpya bhūmiṃ spṛśet || oṃ ma̱hī dyauḥ pṛ̍thi̱vī ca̍ na i̱maṃ ya̱jñaṃ mi̍mikṣatām || pi̱pṛ̱tānno̱bharī̍mabhiḥ
iti bhūmim || oṃ oṣa̍dhaya̱ssaṃva̍dante̱ some̍na sa̱ha rājñā̍ || yasmai̍ karoti̍ brāhma̱ṇastagum̐rā̍janpārayāmasi || iti taṇḍulān || oṃ ā̱jighra̍
kalaśa̱ṃ madhu̍rudhorā̱ paryya̍sva̱tyā lā viśa̍nti̱ndava̍rasamu̱drami̍va̱ sindha̍va̱ssāmāṃ sahasra̱ ābha̍ja pra̱jayā̍ pa̱śubha̍ssa̱ha puna̱rmāvi̍śatādra̱yiḥ || iti kalaśam
tantu̍ ta̱nvannaja̍so̱ bhānu̱manvi̍hi̱ jyoti̍ṣmataḥ pa̱tho ra̍kṣa dhi̱yā kṛ̱tān || anu̍lbaṇaṃ vayata̱jogu̍vā̱mapo̱manu̍rbhava jana̱yādaivya̱ṃ jana̍m || iti tantūn
oṃ i̱maṃ me̍ gaṅge yamune sarasvati̱ śutu̍dri̱stoma̍m̐sacatā̱ paru̍ṣṇiyā || a̱si̱kniyā ma̍rudvṛdhe vi̱tasta̱yārjī̍kīye śrṛṇu̱hyā su̱ṣoma̍yā || iti jalaṃ
pūrayet || oṃ syo̱nāpṛ̍thi̱vibha̍vā̱nṛkṣa̱rāni̱veśa̍nī || yacchrā̍na̱ḥ śarma̍ sa̱prathā̍ḥ || iti mṛttikām || oṃ ga̱ndha̱dvārāṃ du̍rādha̱rṣāṃ ni̱tyapu̍ṣṭāṃ

3.5-2.4

karī̱ṣiṇī̍m || ī̱śvarī̍gum̐ sarva̍bhūtā̱nā̱ṃ tāmi̱hopa̍hvaye̱ śriyam || iti gandhān || oṃ kāṇḍā̍tkāṇḍātpra̱roha̍ntī pa̱ruṣa̍ḥ paruṣa̱ḥ pari̍ || e̱vāno̍
dūrve̱ prata̍nu sa̱hasre̍ṇa śa̱tena̍ ca || iti dūrvāḥ || oṃ aśva̱tthe vo̍ ni̱ṣada̍naṃ pa̱rṇe vo̍ va̱sati̍ḥ kṛ̱tā || go̱bhāja̱ itki̱lā̍ satha̱ yatsa̱nava̍tha̱ pūru̍ṣam
iti pallavān || oṃ yāḥ pha̱linī̱ryā a̍pha̱lā a̍pu̱ṣpā yāśca̍ pu̱ṣpiṇī̍ḥ || bṛ̱ha̱spati̍prasūtā̱stāno̍ muñca̱ntvagum̐ha̍saḥ || iti phalam || oṃ
bṛha̍spate̱ juṣa̍sva̍ no ha̱vyāni̍ viśvadevya || rā̱sva ratnā̍ni dā̱śuṣe̍ || iti ratnāni || oṃ agne̱ reta̍ścandragum̐ hira̍ṇyam || a̱ddbhyassambhūta̍mamṛ̱taṃ
pra̱jāsu̍ || tatsambhara̍nnutta̱rato nidhāya̍ || ati̱prayaccha̍ṃ du̱rita̍ṃ tareyam || iti hiraṇyam || oṃ yuvā̍ su̱vāsā̱ḥ parivī̍ta̱ āgā̍t || sa u̱
śreyā̍nbhavati̱ jāya̍mānaḥ || taṃ dhīrā̍saḥ ka̱vaya̱ unna̍yanti || svā̱dhiyo̱ mana̍sā de̱vayanta̍ḥ || iti vastram || oṃ pūrṇā darvvi̱ parā̍pata̱ supū̍rṇā̱
puna̱rāpa̍ta || va̱sneva̱ vi̱krīṇā̍vahā̱ iṣa̱mūrja̍m̐śatakrato || iti taṇḍulapūrṇapātranidhānam || oṃ tattvā̍yā̱mi̱ brahma̍ṇā̱ vanda̍māna̱stadāśā̍ste̱
yaja̍māno ha̱virbhi̍ḥ || ahèḍamāno varuṇeha bo̱dhyuru̍śagum̐samā na̱ āyu̱ḥ pramo̍ṣīḥ || asminkalaśe varuṇāya namaḥ oṃ bhūrbhuvaḥsuvaḥ varuṇamāvāhayāmi
varuṇāya namaḥ dhyāyāmi dhyānaṃ samarpayāmi || āvāhanam || āsanam || pādyam || arghyam || ācamanam || snānam || punarācamanam
vastram || gandhān || akṣatān || puṣpam || dhūpam || dīpam || naivedyam || tāmbūlam || nīrājanam || mantrapuṣpam || pradakṣiṇam

3.5-2.5

namaskārān || varuṇāya namaḥ sarvopacārapūjāṃ samarpayāmi || atha kalaśau spṛṣṭvā || kalaśasya mukhe viṣṇuḥ kaṇṭhe rudraḥ samāśritaḥ
mūle tatra sthito brahmā madhye mātṛgaṇāḥ smṛtāḥ || kukṣau tu sāgarāḥ sarve saptadvīpā vasundharā || ṛgvedo'tha yajurvedaḥ sāmavedo hyatharvaṇaḥ
aṅgaiśca sahitāḥ sarve kalaśaṃ tu samāśritāḥ || atra gāyatrī sāvitrī śāntiḥ puṣṭikarī tathā || āyāntu mama dehasya duritakṣayakārakāḥ
sarve samudrāḥ saritastīrthāni jaladā nadāḥ || gaṅge ca yamune caiva godāvari sarasvati || narmade sindhu kāveri jale'sminsannidhiṃ kuru
gaṅgādyāḥ sarvatīrthāḥ sannihitāḥ santu || mātṛdevo bhava || pitṛdevo bhava || ācāryadevo bhava || atithidevo bhava || ityāśiṣo
gṛhītvā || pūrvasthāpitacaturbrāhmaṇahaste jalaṃ dadāti ‘oṃ āpaḥ’ iti || ‘śivā āpaḥ santu’ iti prativacanam || ‘oṃ gandhāḥ’
iti gandhān dadāti || ‘sugandhāḥ’ iti prativacanam || ‘oṃ akṣatāḥ’ ityakṣatān dadāti || ‘akṣataṃ cāriṣṭaṃ cāstu’ iti
prativacanam || ‘oṃ sumanasaḥ’ iti puṣpāṇi dadāti || ‘saumanasyamastu’ iti prativacanam || ‘oṃ dakṣiṇāḥ’ iti dakṣiṇāṃ dadāti
‘svasti dakṣiṇāḥ pāntu, bahudeyaṃ cāstu, puṇyaṃ vardhatām’ iti prativacanam || śāntirastu || yaṃ kṛtvā sarvaveda‌yajñakriyākaraṇakarmārambhāḥ

3.5-2.6

śubhāḥ śobhanāḥ pravartante tamahamoṃkāramādiṃ kṛtvā bhavadbhisnujñātaḥ puṇyāhaṃ vācayiṣye || ‘vācyatām’ iti prativacanam || tataḥ kalaśadhāraka uttarakalaśaṃ gṛhītvā dakṣiṇaṃ jānuṃ bhūmau nidhāya savyamuddhṛtya iḍādevahūriti japitvā omityutthāya patnyā'nvārabdhayajamānadakṣiṇabāhunā'nvārabdhaḥ kalaśadhārako ‘manassamādhīyatām’ iti prāṅmukhasthitān brāhmaṇān vadati || ‘samāhitamanasaḥ smaḥ’ iti te brūyuḥ
prasīdantu bhavantaḥ || ‘prasannāḥ smaḥ’ iti prativacanam || oṃ śāntirastu || puṣṭirastu || tuṣṭirastu || vṛddhirastu || avighnamastu
āyuṣyamastu || ārogyamastu || śivaṃ karmāstu || karmasiddhirastu || iṣṭasampadastu || putrasampadastu || sarasvatīsampadastu
aharaharabhivṛddhirastu || iti kalaśadhārakaḥ || ‘astu’ iti prativacanam || oṃ yatpuṇya̱ṃ nakṣa̍tram || tadvaṭu̍ku̱rvītopa̍vyuṣa̱m | ya̱dā vai
sūrya̍ u̱deti̍ || atha̱ nakṣa̍traṃ naiti̍ || yāva̍ti̱ tatra̱ sūryo̱ gacche̍t || yatra̍ ja̱ghanya̍ṃ paśye̍t || tāva̍ti kurvīta yatkā̱rī syāt || pu̱ṇyā̱ha e̱va
kurute || tāni̱ vā e̱tāni̍ yamanakṣatrā̱ṇi̍i || yānye̱va de̍vanakṣatrā̱ṇi̍i || teṣu̍ kurvīta yatkā̱rī syāt || pu̱ṇyā̱ha e̱va ku̍rute || ‘mahyaṃ
sahakuṭumbine mahājanānnamaskurvāṇāya āśīrvacanamapekṣamāṇāya kariṣyamāṇāmukkakarmaṇaḥ oṃ puṇyāhaṃ bhavanto bruvantu’ iti mandramadhyamatārakakrameṇa
triva̍det || kramāduccairuccairityarthaḥ || ‘oṃ puṇyāham’ iti prativacanaṃ triḥ || agrepyevaṃ || oṃ sva̱sti na̱ indro̍ vṛ̱ddhaśra̍vāḥ || sva̱sti

3.5-2.7

na̍ḥ pū̱ṣā vi̱śvave̍dāḥ || sva̱sti na̱stārkṣyo ari̍ṣṭanemiḥ || sva̱sti no̱ bṛha̱spati̍rdadhātu || a̱ṣṭau de̱vā vasa̍vaḥ so̱myāsa̍ḥ || cata̍sro de̱vīra̱jaga̍ḥ
śravi̍ṣṭhāḥ || te ya̱jñaṃ pā̍ntu raja̍saḥ pu̱rastā̍t || sa̱ṃva̱tsa̱rīṇa̍ma̱mṛta̍gum̐ sva̱sti || ‘mahyaṃ sahakuṭumbine mahājanānnamaskurvāṇāya āśīrvacanamapekṣamāṇāya kariṣyamāṇāmukkakarmaṇe oṃ svasti bhavanto bruvantu’ evaṃ triḥ pūrvavat || ‘oṃ āyuṣyamate svasti’ iti prativacanam || oṃ ṛddhyā sma̍
ha̱vyairnama̍sopa̱sadya̍ || mi̱traṃ de̱vaṃ mi̍tra̱dheya̍ṃ no astu || anu̍rā̱dhān ha̱viṣā̍ vṛ̱rdhaya̍ntaḥ || śa̱taṃ jī̍vema śa̱rada̱ssavī̍rāḥ || oṃ trīṇi̍ trīṇi̱ vai
de̱vānā̍mṛ̱ddhāni̍ || trīṇi̱ chandāg̍m̐si̱ trīṇi̱ sarva̍nāni || traya̍ i̱me lo̱kāḥ || ṛ̱ddhyāme̱va taddīrghya̍ṃ e̱ṣu lo̱keṣu̱ prati̍tiṣṭhati || ‘mahyaṃ
sahakuṭumbine mahājanānnamaskurvāṇāyāśīrvacanamapekṣamāṇāya kariṣyamāṇāmukākarmaṇaḥ oṃ ṛddhi bhavanto bruvantu’ evaṃ triḥ pūrvavat || ‘oṃ
ṛddhayatām’ iti prativacanaṃ triḥ || śukrāṅgārakabudhabṛhaspatiśanaiścararāhuketuādityapurogāḥ somasahitāḥ sarve grahāḥ prīyantām || yā pakṣadevatā sā prīyatām || anāmnāteṣu prajāpatiḥ prīyatām || śakunanimittasrabhāḥ śivā bhavantu || āyuṣo'bhivṛddhirastvāyuṣo'bhivṛddhirastu
śivagum̐ śivamastu || sarvagrahasagum̐sthityamastu || satyā etā āśiṣaḥ santu || ‘bahirdeśe'riṣṭanirasanamastu’ iti kiñcit kalaśodakamīśānye ninīya || yatpāpaṃ tatpratihatamastu || yacchreyastadastu || uttare karmaṇyavighnamastu || uttarottaramaharaharabhivṛddhirastu

3.5-2.8

uttarottarāḥ kriyāḥ śubhāḥ sampadyantām || tithikaraṇamuhūrtanakṣatradigdevatāḥ prīyantām || atra śāntirastvityādiṣu sarvatra kalaśodakaṃ
pātrāntare ninayediti viśvapatiprayoge likhitaṃ tannirmūlam || sūtre ca viṣṇubhaṭṭīye kārikādāvanuktatvāt || atha kalaśajalamanyonyaṃ
sagum̐srāvya tajjalaṃ pātrāntare ninīya tatra hiraṇyaṃ vidhāya darbhairdampatī prokṣeyuḥ || tatkāle patnī vāmabhāge upaviśati || atha prokṣaṇamantrāḥ
gṛhyasūtre ‘āpohiṣṭheti tisṛbhiryacciddhita iti tisṛbhirhiraṇyavarṇā iti catasṛbhiḥ pavamānasasuvarjana iti nā'nuvākena devasyatveti tisṛbhiścaraṇaṃ
pavitramiti dvābhyāṃ tacchaṃyorāvṛṇīmaha iti mārjayitvā śaśvama iti gṛhaṃ prokṣya śeṣamapsu ninayati” iti || oṃ de̱vasya̍ tvā savi̱tuḥ
pra̱save̍'śvino̍rbā̱hubhyā̍ṃ pū̱ṣṇo hastā̍bhyām || a̱śvino̎rbhaiṣa̱jyena̱ teja̍se brahmavarca̱sāyā̱bhiṣi̍ñcāmi || oṃ de̱vasya̍ tvā .... hastā̍bhyām || sarasva̍tyai
bhaiṣa̱jyena vī̱ryā̍yā̱nnādyā̍yā̱bhiṣi̍ñcāmi || oṃ de̱vasya̍ tvā .... hastā̍bhyām || indra̍syendri̱yeṇa̍ śri̱yai yaśa̍se balā̍yā̱bhiṣi̍ñcāmi || tra̱ vā̱jina̍ṃ
soma̱gum̐ rājā̍na̱ṃ varu̍ṇama̱gnimanvāra̍bhāmahe || ā̱di̱tyānviṣṇu̱gum̐ sūrya̱ṃ brahmā̍ṇaṃ ca̱ bṛha̱spati̍m || oṃ de̱vasya̍ tvā savi̱tuḥ pra̍sa̱ve'śvino̎rbā̱hubhyā̍ṃ pū̱ṣṇo
hastā̍bhyā̱gum̐sara̍svatyai vāco ya̱nturya̱treṇā̱gnestvā̱sāmrā̍jyenā̱bhiṣi̍ñcāmīṃdra̍sya̱ bṛha̱spate̍stvā̱sāmrā̍jyenā̱bhiṣi̍ñcāmi || oṃ cara̍ṇaṃ pa̱vitra̱ṃ vita̍taṃ purā̱ṇaṃ

3.5-2.9

yena̍ pū̱tastara̍ti duṣkṛ̱tāni̍ || tena̍ pa̱vitre̍ṇa śu̱ddhena̍ pū̱tā ati̍ pā̱pmāna̱marā̍tiṃ tarema || oṃ lo̱kasya̱ dvāra̍ma̱rcima̍tpa̱vitra̍m || jyoti̍ṣmacchu̱krāja̍mā̱naṃ
maha̍svat || a̱mṛta̍sya̱ dhārā̍ bahu̱dhā doha̍mānam || cara̍ṇaṃ no lo̱ke su̍dhi̱tāṃ da̍dhātu || oṃ taccha̱ṃyorāvṛ̍ṇīmahe || gā̱tuṃ ya̱jñāya̍ || gā̱tuṃ
ya̱jñapa̍taye || daivī̎ sva̱stira̍stu naḥ || sva̱stirmā̍nu̱ṣebhya̍ḥ || ū̱rdhvaṃ ji̍gātu bheṣa̱jam || śanno̍ astu dvi̱pade̎ || śaṃ catu̍ṣpade || oṃ śāntiḥ
śāntiḥ śāntiḥ || ityetairmārjayitvā śañcamemayaścama ityanuvākena gṛhaṃ prokṣya śeṣodakamapsu ninayet || oṃ utti̍ṣṭha brahmaṇaspate || de̱va
ya̱ntastve̍mahe || upa̱praya̍ntu ma̱ruta̍ssu̱dāna̍vaḥ || indra̍ prā̱śūrbha̍vā sa̱cā || yāntu devagaṇāḥ sarve pūjāmādāya matkṛtām || iṣṭakāmyārthasiddhyarthaṃ punarāgamanāya ca || āvāhitadevatā yathāsthānamudvāsayāmi || anena puṇyāhakarmaṇā śrīparameśvaraḥ prīyatām || iti sarvasādhāraṇapuṇyāhaprayogaḥ
‘ācāryastu yathā svarge śakrādīnāṃ bṛhaspatiḥ || tathā tvaṃ mama
yāge'sminnācāryo bhava suvrata || asminkarmaṇyācāryaṃ tvāṃ vṛṇe' iti svadakṣiṇapāṇinā tasya dakṣiṇapāṇiṃ spṛṣṭvā varayet || 'yathā caturmukho
brahmā svarge loke pitāmahaḥ || tathā tvaṃ mama yāge'sminbrahmā bhava dvijottama || asmin karmaṇi brahmāṇaṃ tvāṃ vṛṇe' || 'vṛtosmi' iti
prativacanam || evamevartvijo varayet || atha pradhānasaṅkalpaḥ || ācamya prāṇānāyamya deśakālau saṅkīrtya 'śrīparameśvaraprītyarthamamukakarma

3.5-2.10

kariṣye' iti saṅkalpya, tattatkarma kuryāt iti pradhānasaṅkalpaḥ || atha kuladevatāsthāpanam || vivāhopanayanacaulādiśubhakarmaṇāmādau kartā
sapatnīkaḥ taṇḍulapūrṇapātraṃ saphalaṃ svagṛhadevatāpurato nidhāya, tatra phala-tāmbūla-dīpādikaṃ nidhāya, deśakālau saṅkīrtya, 'amukakarmāṅgatvena
kuladevatāsthāpanaṃ kariṣye' iti saṅkalpya, 'oṃ bhūrbhuvaḥsuvarom̐ iṣṭadevatāmāvāhayāmi' ityāvāhya, ṣoḍaśopacārān kṛtvā, yajñena yajñamiti
puṣpāñjaliṃ datvā, namaskuryāt || iti kuladevatāsthāpanam
atha udakaśāntipratisarabandhasamānatantraprayogaḥ || vivāhacaulopanayanasamāvartanāgnyādheyādikarmasvanyeṣu maṅgalakāryeṣu ca yasmindine
nāndīśrāddhaṃ kuryāttasyāmeva rātrau pradoṣānte udakaśāntimārabheta || sadyaḥkaraṇapakṣe nāndī śrāddhaṃ kṛtvā tadānīmevodakaśāntipratisarabandhau kṛtvā
tataḥ pavanādipradhānapuṇyāhavācanaṃ kṛtvā vivāhādikaṃ kuryāt || atha śucau same deśe gomayena gocarmamātraṃ bhūmimupalipya viṃśatirekhātmakaṃ
aṣṭadikṣvaśvatthadalākāraṃ caturasraṃ sthaṇḍilaṃ kṛtvā tanmadhyata uddhṛtyāpaḥspṛṣṭvā'dbhiravokṣya yugmān brāhmaṇān supakṣālitapāṇipādānapaācamayya
pratidiśamāsaneṣūpaveśyātha kartā sapatnīkaḥ saṃskāryeṇa saha prāgagreṣu darbheṣūpaviśya darbhāndhārayamāṇaḥ pavitrapāṇirdvirācamanaprāṇāyāmau kṛtvā

3.5-2.11

deśakālau saṅkīrtya, 'mama sarvāmaṅgalaনিবারṇārthaṃ samastamāṅgalyaprāptyarthaṃ cādya rātrau śvo vā kariṣyamāṇāmukakarmaṅgatayā vihitāmudakaśāntipratisarabandhau samānatantreṇa kariṣye || tadādau nirvighnatāsiddhyarthaṃ gaṇapatipūjāṃ kariṣye' iti saṅkalpya, tatkṛtvā, asminnudakaśāntipratisarabandhakarmaṇi pūrvasyāṃ diśi ṛtvijaṃ tvāmahaṃ vṛṇe || udakaśāntipratisarabandhasūktapaṭhanārthamiti vā || evameva dakṣiṇasyāṃ diśi, paścimāyāṃ
diśi, uttarasyāṃ diśi ṛtvijaṃ tvāmahaṃ vṛṇe || iti caturo'ṣṭau vā brāhmaṇānvṛtvā || vṛto'smīti prativacanam || tato vṛtebhyaḥ
ṛtvigbhyo namaḥ gandhādyupacārān samarpayāmītyabhyarcyaratnimātraṃ samacaturasraṃ taṇḍulaiḥ sthaṇḍilaṃ kṛtvā prokṣya samullikhyādbhirabhyukṣya dūrvākṣataphalairavakīrya gandhodakenābhyukṣya puṣpairāvakīrya teṣu brahmapātraṃ sudhūpitaṃ sūtraveṣṭitaṃ taduttarataḥ prāgagreṣu darbheṣu sādayitvā darbhaiḥ pracchādya kumbhamuttānaṃ kṛtvā tūṣṇīṃ
saṃskṛtābhiradbhiristraḥ prokṣya brahmajajñānamiti sthaṇḍile nidhāya tiraḥpavitramapa ānayanjapati || oṃ tatsaviturvareṇyamiti tatra yavākṣatataṇḍulān
āvapati || ‘bhūrbhuvaḥsuvaḥ’ iti || oṃ devasyatvetyādibhiścatasṛdikṣu paristīrya dūrvāda bhaiḥ pracchādyābhibhṛśati || oṃ śanno̍ de̱vīra̱bhiṣṭa̍ya
āpo̍ bhavantu pī̱taye̍ || śa̱ṃyora̱bhisra̍vantu naḥ || iti tasyottaratastaṇḍulapūrṇakāṃspapātre navaguṇayutaṃ navasūtraṃ gandhaliptaṃ bhasmayutaṃ nidhāya tataḥ sarve

3.5-2.12

brāhmaṇāḥ kumbhamanvārabhya japanti || oṃ bhūrbhuvaḥsuvarom || oṃ tatsa̍vi̱turvare̍ṇyam || bhargo̍ de̱vasya̍ dhīmahi || dhiyo̱ yo na̍ḥ praco̱dayā̍t
oṃ tatsa̍vi̱turvare̍ṇyaṃ bhargo̍ de̱vasya̍ dhīmahi || dhiyo̱ yo na̍ḥ praco̱dayā̍t || oṃ tatsa̍vi̱turvare̍ṇyaṃ bhargo̍ de̱vasya̍ dhīmahi dhiyo̱ yo na̍ḥ praco̱dayā̍t
iti paccho'rddharcaśśonavānamuktvā vedādīn japanti || oṃ a̱gnimī̍ḷe pu̱rohi̍taṃ ya̱jñasya̍ de̱vamṛ̱tvija̍m || hotā̍raṃ ratna̱dhāta̍mam || oṃ i̱ṣe tvorje
tvā̍0 || ya̱jñasya̍ ghoṣa̱da̍si0 || śundha̍dhvaṃ daivyā̍ya̱ karma̍ṇe0 || iti triranuvākān || oṃ agna̱ āyā̍hi vī̱taye̍ gṛṇā̱no ha̱vyadā̍taye
nihotā̍ satsi ba̱rhiṣi̍ || oṃ śanno̍ devī .... sra̍vantu naḥ || iti japitvā || ‘kṛ̱ṇuṣvapāja̍ḥ prasi̍ti̱nnapṛ̱thvīṃ’ ityārabhya ‘ti̱gmāyu̍dhā̱
rakṣa̍se̱ hantṛ̱vāu̍’ ityantam || ‘indra̍ṃ vo vi̱śvata̱spari̍’ ityetamanuvākam || yataṃ indra bhayā̍mahe0 || sva̱stidā̱viśaspati̍0 || ma̱hām̐
indro̱ vajra̍bāhuḥ0 || sa̱joṣā̍ indrasaga̍ṇaḥ0 || iti catvāro mantrāḥ || ye de̱vāḥ pu̍ra̱ssado̍'gnine̍trā rakṣohaṇa̱ste na̍ḥ pāntu te no̍vantu tebhyo̱
nama̱stebhya̱ḥ svāhā̍ || ye de̱vā dakṣi̍ṇa̱sado̍ yamane̍trā rakṣo̱haṇaḥ .... svāhā̍ || ye de̱vāḥ pa̍ścātsa̱dassa̍vitṛne̍trā rakṣo̱haṇaḥ .... svāhā̍ || ye de̱vā
u̍ttara̱sado̱ varu̍ṇanetrā rakṣo̱haṇaḥ .... svāhā̍ || ye de̱vā u̍pari̱ṣado̱ bṛha̱spati̍netrā rakṣo̱haṇaḥ .... svāhā̍

3.5-3

a̱gnirāyu̍ṣmā̱nsava̱naspati̍bhirāyu̍ṣmā̱ntena̱ tvā''yuṣā''yu̍ṣmantaṃ karomi || soma̱ āyu̍ṣmā̱nsaoṣa̍dhībhi̱rāyu̍ṣmā̱ntena̱ tvā''yuṣā''yu̍ṣmantaṃ karomi || ya̱jña āyu̍ṣmā̱nsadakṣi̍ṇābhi̱rāyu̍ṣmanta̱stena̱ tvā''yu̍ṣā''yu̍ṣmantaṃ karomi || brahmāyu̍ṣma̱dbrāhma̍ṇai̱rāyu̍ṣma̱ttena̱ tvā''yu̍ṣā''yu̍ṣmantaṃ karomi || de̱vā āāyu̍ṣmanta̱stai'mṛte̍nāyu̍ṣmanta̱stena̱ tvā''yu̍ṣā''yu̍ṣmantaṃ karomi

3.4-2

yāvā̍mindrāvaruṇā ya̱tavyo̍ta̱nūstaye̱mama̍ṃha̍so muñcatam || yāvā̍mindrāvaruṇā
saha̱syā̍ta̱nūstaye̱mama̍ṃha̍so muñcatam || yāvā̍mindrāvaruṇā rakṣa̱syā̍ta̱nūstaye̱mama̍ha̍so muñcatam || yāvā̍mindrāvaruṇā te̱jasyā̍ta̱nūstaye̱mama̍ṃha̍so
muñcatam

3.8-2

yovā̍ṃmindrāvaruṇāva̱gnau stā̱mastaṃ vā̍me̱tenāva̍ yaje || yovā̍ṃmindrāvaruṇā dvi̱pātsu pa̱śuṣu̱ stā̱mastaṃ vā̍me̱tenāva̍ yaje || yovā̍ṃmindrāvaruṇā̱ catu̍ṣpātsu pa̱śuṣu̱ stā̱mastaṃ vā̍me̱tenāva̍ yaje || yovā̍ṃmindrāvaruṇā go̱ṣṭhe stā̱mastaṃ vā̍me̱tenāva̍ yaje || yovā̍ṃmindrāvaruṇā gṛ̱heṣu̱ stā̱mastaṃ
vā̍me̱tenāva̍ yaje || yovā̍ṃmindrāvaruṇā̱psu stā̱mastaṃ vā̍me̱tenāva̍ yaje || yovā̍ṃmindrāvaruṇauṣa̍dhīṣu stā̱mastaṃ vā̍me̱tenāva̍ yaje || yovā̍ṃmindrāvaruṇā̱
vana̱spati̍ṣu stā̱mastaṃ vā̍me̱tenāva̍ yaje

3.3-2

agne̍ yaśa̱svinniti̱ catasra̍ḥ || 'rāṣṭrabhṛtaḥ .... ṛtāṣāḍṛtadhāmā' ityetamanuvākam || namo̍
astu sa̱rpebhya̍ḥ0 || yeda̍ro̍ca̱ne di̱vo0 || yā iṣa̍vo yātudhānā̍nāṃ0

3.5-4

a̱yaṃ puro hari̍keśa̱ḥsūrya̍raśmi̱stasya̍ ratha̱gṛtsa̍śca̱ ratho̍jāśca
senānigrāma̱ṇyaum̐ pu̱ñjikasthalā ca̍ kṛtastha̱lā cā̍psa̱rasau̍ yātudhā̱nāṃ hetī rakṣāṃsi̱prahe̍ti̱stebhyo̱ nama̍ste no̍ mṛḍayantu̱ te yaṃ dvi̱ṣmo yaśca̍no̱ dveṣṭi̱ taṃ
vo̱ jambhe̍ dadhāmi || a̱yaṃ dakṣi̍ṇā vi̱śvaka̍rmā̱ tasya̍ rathasvana̍śca̱ rathe̍citraśca senānigrāma̱ṇyaum̐ menukā ca̍ sahajanyā cā̍psa̱rasau̍ daṃṣṭraṇava̍ḥ pa̱śavo̱ heti̍ḥ
pauru̍ṣeyova̱dhaḥ prahe̍ti̱stebhyo̱ .... dadhāmi || a̱yaṃ pa̱ścādviśvavya̍cā̱stasya̱ ratha̍prota̱ścāsa̍marathaśca senānigrāma̱ṇyaum̐ pra̱mloca̍ntī cānu̱mloca̍ntī cāpsa̱rasau̍
sarpā hetirvyā̱ghrāḥ prahe̍ti̱stebhyo̱ .... dadhāmi || a̱yamu̍tta̱rātsa̍yadva̍su̱stasya̍ sena̱jicca̍ su̱ṣeṇa̍śca senānigrāma̱ṇyaum̐ vi̱śvācī̍ ca ghṛ̱tācī̍ cāpsa̱rasā̱vāpo̍
he̱tirvāta̍ḥ prahe̍tistebhyo̍ .... dadhāmi || ayamu̱parya̍rvāgvasu̱stasya̱ tārkṣya̍ścāriṣṭanemiśca senānigrāma̱ṇyā̍vurva̱śīṃ ca pūrva̍cittiścāpsara̱sau vi̱dyuddhe̱tira̍vasphūrja̱nprahe̍tistebhyo̱ nama̍ste no̍ mṛḍayantu̱ te yaṃ dvi̱ṣmo yaśca̍ no̱ dveṣṭi̱ taṃ vo̱ jambhe̍ dadhāmi

Linked texts (1)

Veṅkaṭeśīyaprayogamālā — Veṅkaṭeśa Jyotiṣin, Sanskrit

Baudhayanaprayogamala 3

Contents

Linked texts (1)