Shraddhamanjari (Bapubhatta Kelakara) 6.1.10

6.1.10

nimantritānsamāhūya teṣāṃ maṅgalasnānapādyācamanāni vidhāya nāndīmukhasatyavasusaṃjñakavaiśvadevasvarūpāviti dhyāyandvau prāṅmukhābupaveśya mamaite
nāndīmukhā mātrādyāḥ pitara iti dhyāyanṣaṭ prāṅmukhānupaveśayet
tata ācamya prāṇānāyamya deśakālau saṃkīrtya mātṛpitāmahīprapitāmahyo nāndīmukhā ityādi prathamāyā vibhaktyā pūrvavaduccāryaitānuddiśyopakrāntaṃ nāndīśrāddhaṃ kariṣya iti saṃkalpya kuruṣveti pratyuktaḥ, tadviṣṇoḥ
paramaṃ0rātatam | iti mantreṇa gāyatryā ca pākaprokṣaṇaṃ vidhāya devārcanaṃ
kuryāt | sarvatrā''sanādyācchādanānteṣūpacāreṣvādyantayorapo dadyāt
satyavasusaṃjñakānāṃ viśveṣāṃ devānāṃ nāndīmukhānāmidamāsanamiti dakṣiṇabhāga ṛjūndarmānubhayordattvā prāgagreṣu darbheṣu pātradvayamāsādya prāgagrāṇi
darbhadvayātmakāni pavitrāṇi nidhāyāpa āsicya śaṃ no devīriti sakṛdanumantrya yavo'si dhānyarājo veti mantrāvṛttyā yavānopya gandhādi
kṣiptavā devapātre saṃpanne ityābhimṛśya viśvāndevānnāndīmukhānāvāhayiṣyāmītyuktvā viśve devāsa0data| satyavasusaṃjñakānviśvāndevānnāndīmukhānāvāhaṃyāmīti sakṛduktvobhayoḥ krameṇa dakṣiṇapādādiyugmakrameṇa pādjānvaṃsaśiraḥsu yavānavakīrya viśve devāḥ śṛṇu0yadhvam | āgacchantu mahā0
tu ta iti sakṛdupasthāya svāhā'rghyā iti mantrāvṛttyā nivedya satyavasusaṃ0
nāndīmukhā idaṃ vo'rghyamityarghyaṃ dattvā yā divyā ityanumantrayet | evaṃ
dvitīye | tataḥ satyavasu0devā nāndīmukhā amī vo gandhāḥ svāhā namo