Shraddhamanjari (Bapubhatta Kelakara) 6.1.11

6.1.11

na mama | evaṃ puṣpadhūpadīpācchādanāni dattvā'rcanavidheḥ saṃpūrṇatāṃ vācayitvā tābhyāmanujñātaḥ pitrarcanaṃ kuryāt | tadya sarvatra yajñopavītyeva vaiśvadevārcanadharmeṇa | viśeṣastūcyate | nāndīmukhānāṃ mātṛpitāmahīprapitāmahīnāmidamāsanamiti sakṛduktvobhayoḥ krameṇā''sanaṃ dadyāt | evamuttaratra | nāndīmukhānāṃ pitṛpitāmahaprapitāhānāmidamāsanam | nāndīmukhānāṃ mātāmaha0prapitāmahānāṃ sapatnīkānāmidamāsanamityūhaḥ | tato
navārcyapātrāṇyāsādya pavitrāṇi nidhāyāpa āsicya śaṃ no devīriti
sakṛdanumantrya yavo'si somadevatyo gosave devanirmitaḥ | pratnavadbhiḥ
prattaḥ puṣṭyā nāndīmukhān‍pitṝnimām̐llokān‍prīṇayāhi naḥ svāheti pratipātraṃ mantrāvṛttyā yavānopya gandhādi kṣiptvā pātrāṇi tattadviprāgre nidhāya
dvābhyāṃ dvābhyāṃ trīṇi nivedayet | tatra mantrāḥ—nāndīmukhā mātaraḥ prīyantām| nāndīmukhāḥ pitāmahyaḥ prī0 | nā0prapitāmahyaḥ prī0| nā0pitaraḥ
prī0| nāndīmukhāḥ pitāmahāḥ prī0| nā0prapitāmahāḥ prī0| nā0sapatnīkā
mātāmahāḥ prī0 | nā0 sapatnīkā mātuḥpitāmahāḥ prī0 | nā0 sapatnīkā
mātuḥprapitāmahāḥ prīyantām | tato mātṛvargaviprayoḥ prathamaviprahaste
prathamapātrasthamardhamarghyaṃ nāndīmukhā mātara idaṃ vo'rghyaṃ dattvā yā divyā
ityanumantryāvaśiṣṭamarghyaṃ dvitīyeviprahaste nāndīmukhā mātara idaṃ vo'rghyamiti dattvā yā divyā ityanumantrayet | evameva dvitīyapātrasthamarghyaṃ
tṛtīyapātrasthaṃ ca tābhyāmeva viprābhyāṃ dadyāt | nāndīmukhāḥ pitāmahya
idaṃ vo'rghyam | nāndīmukhāḥ prapitāmahya idaṃ vo'rghyamiti dviridvirmantrau