Shraddhamanjari (Bapubhatta Kelakara) 6.1.12

6.1.12

tataḥ pitṛvargārthānyardhyāṇi tadbrāhmaṇābhyāṃ pūrvavaddadyāt | tatra mantrāḥ—
nāndīmukhāḥ pitara idaṃ vo'rghyam | nāndīmukhāḥ pitāmahā idaṃ vo'rghyam
nāndīmukhāḥ prapitāmahā idaṃ vo'rghyam | tathaiva mātāmahavargārthāni
tadbrāhmaṇābhyāṃ dadyāt | tatra mantrāḥ—nāndīmukhāḥ sapatnīkā
mātāmahā idaṃ vo'rghyam | nāndīmukhāḥ sapatnīkā mātuḥpitāmahā idaṃ
vo'rghyam | nāndīmukhāḥ sapatnīkā mātuḥ prapitāmahā idaṃ vo'rghyam
saṃsravānsamavanīya tābhiradbhiḥ putrakāmo mukhamanakti | apaḥ spṛṣṭvā
tatpātraṃ prapitāmahapātreṇāpidhāya mātṛpitāmahīprapitāmahyo nāndīmukhā
ityādyuccārya gandhapuṣpadhūpadīpācchādanāni pradāyārcanavidheḥ saṃpūrṇatāṃ
vācayitvā maṇḍaleṣu bhojanapātrāṇyāsādya ghṛtāktamannamādāya pitryaviprapāṇiṣu hastenāvadānadharmeṇa, agnaye kavyavāhanāya svāhā | agnaye
kavyavāhanāyedaṃ0 | somāya pitṛmate svāhā | somāya pitṛmata idaṃ0
iti pratyekaṃ dve dve āhutī juhuyāt | api vaikaikāmāhutiṃ vigṛhya
vigṛhya juhuyāt | viprāḥ svasvapāṇisthamannaṃ sve sve pātre saṃsthāpya
bahirgatvā''camya yathāsthānamupaviśeyuḥ | kartā devapūrvaṃ bhojanapātrāṇyupastīryānnaṃ pariviṣya hutaśeṣaṃ pitṛpātreṣu dattvā devapātrasthamannaṃ
sāvitryā'bhyukṣya satyavasusaṃjñakebhyo viśvebhyo devebhyo nāndīmukhebhya
idamannamamṛtarūpaṃ pariviṣṭaṃ parivekṣyamāṇaṃ cā'' tṛpteḥ svāhā havyaṃ namo
na mametyubhayoryugapannivedya pitṛpātrasthamannaṃ sāvitryā'bhyukṣya mātṛpitāmahīprapitāmahībhyo nāndīmukhābhya idamannamamṛtarūpaṃ pariviṣṭaṃ parivekṣyamāṇaṃ cā'' tṛpteḥ svāhā havyaṃ na mameti sakṛduktvobhayornivedayet