Shraddhamanjari (Bapubhatta Kelakara) 6.1.15

6.1.15

asminpakṣe pīṭhādau śālagrāmaśilāṃ śivaliṅgaṃ vā tadubhayaṃ vā prāṅmukhaṃ saṃsthāpya taddakṣiṇata udaṅmukhaṃ pitryavipramupaveśya sarvamavikṛtaṃ śrāddhaprayogaṃ kuryāt | vaiśvadaivikavipranimantraṇādīnāṃ lopaḥ | pariveṣaṇakāle sarvasmādannātpuruṣāhāraparimitaṃ pātrāntare kṛtvā devasamīpe nidhāyānnānivedanakāle tadannaṃ sāvitryā'bhyukṣya pariṣicya pātramālabhya viśvebhyo devebhya idamannamamṛtarūpaṃ pariviṣṭaṃ svāhā havyaṃ namo na mameti viśvadevoddeśena devāya nivedya pitryapātrasthānnivedanādi kṛtvā devaniveditamannaṃ brahmacāriṇe dadyāt | tadalābhe'gnau dahediti' candrikāyāmeva
atha darbhabaṭuśrāddhavidhiḥ | sarvathā viprālābhe tatpratinidhitvenā''saneṣu darbhabaṭuṃ nidhāya tāneva viprāndhyāyansarvamavikṛtaṃ śrāddhaprayogaṃ kuryāt | brāhmaṇasaṃbandhimantraprativacanāni svayameva vadet | taduktaṃ candrikāyāṃ devalenanidhāya vā darbhabaṭūnāsaneṣu samāhitaḥ
praiṣānupraiṣasaṃyuktaṃ vidhānaṃ pratipādayet || iti
darbhabaṭurdarbhasamūhaḥ | hemādrau satyavrataḥnidhāya darbhanicayamāsaneṣu samāhitaḥ
praiṣānupraipasaṃyuktaṃ sarvaṃ śrāddhaṃ prakalpayet
nātra darbhasaṃkhyāniyamaḥ | tadāha kātyāyanaḥyajñavastuni muṣṭau ca stambe darbhabaṭau tathā
darbhasaṃkhyā na vihitā viṣṭarāstaraṇeṣu ca || iti
atrāgnaukaraṇaṃ darśādau gṛhyāgnimatā gṛhyāgnau kartavyam | tadabhāve laukikāgnāvapi | śrāddhe tvaupāsanāgnau tu niragnilaukike'nala iti vacanāt
maṇḍano'pi-naṣṭāgnirdūrabhāryaśca pārvaṇe samupasthite
saṃdhāyāgniṃ tataḥ kuryāddhomamagniṃ samutsṛjet || iti