Shraddhamanjari (Bapubhatta Kelakara) 6.1.16

6.1.16

yadyapyāśvalāyanānāṃ sūtre pāṇismārtāgnī vinā vidhānāntaraṃ noktaṃ tathā'pyetādṛśasthale svāviruddhamanyato grāhyamityuktatvācchāstrāntaramapi svīkaraṇīyam | agnaukaraṇaprayogastu pārvaṇaśrāddhānte darśita eva | annanivedanādau yathāśrutaṃ brāhmaṇaśabdasyaiva nirdeśa idamannaṃ havirayaṃ brāhmaṇa āhavanīyārtha ityādi | somapratinidhipūtikadivat | dakṣiṇāmanyasmai dadyāditi kamalākaraḥ | saṃkalpitānnapratipattimāha devalaḥpātrābhāve kṣipedagnau gave dadyāttathā'psu vā
na tu prāptasya lopo'sti paitṛkasya viśeṣataḥ || iti
āmahemapakṣayostu śrāddhaṃ nirvartya taddravyaṃ kālāntare brāhmaṇāya brāhmaṇebhyo vā dadyāditi | iti darbhabaṭuśrāddhavidhiḥ
atha kacitpratinidhinā'pi śrāddhaṃ kārayet | taduktaṃ hemādrau vārāhena śaknoti svayaṃ kartuṃ yadā hyanavakāśataḥ
śrāddhaṃ śiṣyeṇa putreṇa tadanyenāpi kārayet
niyamānācaretso'pi niyatāṃśca vasuṃdhare
yajamāno'pi tānsarvānācaretsusamāhitaḥ
skānde'pi-rājakārye niyuktasya bandhanigrahavartinaḥ
vyasaneṣu ca sarveṣu śrāddhaṃ vipreṇa kārayet || iti
iti pratinidhiśrāddham
athā''maśrāddham | tannimittānyāha candrikāyāṃ kātyāyanaḥāpadyanagnau tīrthe ca pravāse putrajanmani
āmaśrāddhaṃ prakurvīta bhāryārajasi saṃkrame
tatraiva marīciḥ-śrāddhavighne dvijātīnāmāmāśrāddhaṃ prakīrtitam
amāvāsyādiniyataṃ māsasaṃvatsarāhate
māso māsikam | saṃvatsaraḥ sāṃvatsarikam | smṛtidarpaṇemṛtāhaṃ ca sapiṇḍaṃ ca gayāśrāddhaṃ mahālayam
āpanno'pi na kurvīta śrāddhamāmena karhicit
grahaṇe tu pratyābdikaṃ bhoktṛsaṃbhave pakvānnenaiva kāryam | bhokturasaṃbhava