Shraddhamanjari (Bapubhatta Kelakara) 6.1.18

6.1.18

visarjanamantre tṛptā yātetyatra tṛpsyatha yātetyūhaḥ | svadhā pitryahavirdānaṃ
tatkaraṇaṃ ca svadhākārastadaṅgamantra idamannamityādistatredamrāmamityādirūpeṇohaḥ kārya iti svadhākāra ityasyārtha iti candrikākāraḥ | svadhākāre namo vaḥ pitara iṣa ityatra iṣa itipadasthāna āmadravyāyetyūha iti
kamalākaraḥ | asminnāmaśrāddhe brahmacaryādiniyamā na santīti pūrvamevoktam | sindhau hārītaḥāmaśrāddhaṃ tu pūrvāhne ekoddiṣṭaṃ tu madhyataḥ
pārvaṇaṃ cāparāhne tu prātarvṛddhinimittakam || iti
athā''maśrāddhaprayogaḥ-pūrvāhna eva deśakālau saṃkīrtya prācīnāvītī
ṣaṣṭhyantānpitṝnuccāryaiteṣāṃ tṛptyarthamamukaśrāddhaṃ sadaivaṃ sapiṇḍaṃ pārvaṇena
vidhinā''mānnena haviṣā sadyaḥ kariṣya iti saṃkalpya pūrvavadvaiśvadevārthaṃ
pitrarthaṃ ca brāhmaṇānniyamya, asmatpitrādīnbhavatsvāvāhayiṣyāmītyantamavikṛtaṃ sarvaṃ pārvaṇavatkṛtvā''vāhanamantra ūhaḥ kāryaḥ | yathośantastvā
nidhīma0pitṝnhaviṣe svīkartava iti viśeṣaḥ | pitṝṇāmācchādanapradānāntamarcanaṃ vidhāyārcanavidheḥ saṃpūrṇatāṃ vācayitvā''camya ghṛtāktamāmadravyamādāya tena viprapāṇiṣvagnaukaraṇaṃ vidhāya daivapitryaviprāṇāṃ purataḥ krameṇa
pātreṣvāmāni nidhāya daivikaṃ gāyatryā prokṣya tūṣṇīṃ pariṣicyetyādipātrālambhanāntaṃ kṛtvā pṛthivī te pātramityādi amutrāsāvamuṣmim̐lloke, idaṃ
viṣṇurvica0sure | viṣṇo havyaṃ rakṣasvetyuktvā purūravārdravasaṃjñakā viśve devā
devatā, idamāmaṃ havirayaṃ brāhmaṇa0gadādhara, idamāmaṃ brahmaṇe dattaṃ suvarṇapātrasthamakṣayyavaṭacchāheaderyeyam | purūravārdravasaṃjñakebhyo viśvebhyo devebhya