Shraddhamanjari (Bapubhatta Kelakara) 6.1.19

6.1.19

idamāmaṃ sopaskaramamṛtarūpaṃ svāhā na mameti nivedayet | nātra viprāṅguṣṭhaniveśanam | evaṃ pitrādibhyastattannāmādyūhenā''mānnāni nivedya ye ceha
pitara ityādi samānam | saṃkalpe'nena mama pitrādīnāmamukanāmne brāhmaṇebhya āmānnādānena pitṛsvarūpī janārdanavāsudevaḥ prīyatāṃ na mameti
saṃkalpya gāyatrīṃ japitvā madhu vātā iti tisro'kṣannamīti caikāṃ śrāvayitvā saṃpannapraśnaṃ kṛtvā gṛhasiddhānena pāyasena saktubhirvā piṇḍadānaṃ
kuryāt | tatropasthānamantre viśeṣaḥ | namo vaḥ pitara āmadravyāya namo
vaḥ pitara ūrje namo vaḥ pitaraḥ śuṣmāyetyādi | vikirāṇyāmadravyeṇa
śobhanaṃ havirityasya lopaḥ | visarjanamantre vāje0ṛtajñāḥ | asya madhyaḥ
pibata mādayadhvaṃ tṛpyatha yāta pathibhirdevayānaiḥ | ityūhaḥ | anyatsarvaṃ
pūrvavat | tattacchrāddhadharmeṇa pūrvamante'paredyurvā tarpaṇam | kāle vaiśvadevādi
kṛtvā bhuñjīta | nātra brahmacaryādiniyamaḥ | ityāmaśrāddhaprayogaḥ
athā''mābhāve hiraṇyaśrāddham | tatra nimittāni vidhidharmaḥ kālaḥ
prayogaścā''maśrāddhavat | viśeṣastūcyate | sakalpa āmānnena haviṣetyatra
hiraṇyenetyullehaḥ | gṛhasiddhānena pāyasena saktubhirvā'gnaukaraṇaṃ piṇḍadānaṃ prakiraṇaṃ ca | āmadravyamūlyādaṣṭaguṇaṃ caturguṇaṃ dviguṇaṃ vā'tyaśaktau
samaṃ vā hiraṇyaṃ nidhāya viśvebhyo devebhya idaṃ hiraṇyamamṛtarūpaṃ svāhā
na mametyādisaṃkalpaḥ | piṇḍopasthānamantre namo vaḥ pitaro hiraṇyāya
namo vaḥ pitara ūrja ityūhaḥ | atra śrāddhottaraṃ tatkāla eva tilatarpaṇaṃ
kṛtvā kāle vaiśvadevādi kṛtvā bhuñjīta | atra piṇḍadāne vikalpaḥ