Shraddhamanjari (Bapubhatta Kelakara) 6.1.24

6.1.24

tu āśaucanivṛttau taddina eva kāryam | tadatikrame kṛṣṇāṣṭamyekādaśyāṃ dvādaśyāmamāvāsyāyāṃ vā kāryam | kṣayāhe grahaṇaprasaktau bhoktṛsaṃbhave pakvānnenaiva kāryam | bhokturasaṃbhave āmena hemnā vā kāryam
grastodaye grastāste cāpi tathaiva | etanmūlavākyāni nirṇayasindhuparāśaramādhavīyādau draṣṭavyāni | śrāddhadine yadyatumatyā bhāryāyāḥ ṣoḍaśadinaṃ patettadā tatra viśeṣamāha vasiṣṭhaḥatra patrādipratyābdikaśrāddhe pārvaṇaikoddiṣṭayoḥ samabalatvādvrīhiyavavadvikalpaḥ | sa cā''cārādvyavasthita iti sarvanibandhakārasaṃmatiḥ
ata eva dākṣiṇātyāḥ pārvaṇaṃ kurvate maithilādaya ekoddiṣṭamiti candrikākāraḥ | pitṛvyādīnāṃ śrāddhe viśeṣaścaturviṃśatimatepitṛvyabhrātṛmātṛṇāṃ jyeṣṭhānāṃ pārvaṇaṃ bhavet
ekoddiṣṭaṃ kaniṣṭhānāṃ daṃpatyoḥ pārvaṇaṃ mithaḥ || iti
mātṛṇāṃ sapatnamātṛṇām | dākṣiṇātyāstvevamevā''carantīti candrikākāraḥ | atra bhrātṝṇāmeva vayasā jyeṣṭhatvaṃ kaniṣṭhatvaṃ ca jñeyam | pitṛvyasāpatnamātṛṇāṃ tu vayasā kaniṣṭhatve'pi sthānato jyeṣṭhatvātpārvaṇameva
ataḥ pitṛmṛtāhe pitṛpitāmahaprapitāmahāṃstrīnuddiśya pārvaṇavidhinā
śrāddhaṃ kuryāt | mātṛmṛtāhe mātṛpitāmahīprapitāmahīruddiśya kuryāt
tathā'putramātāmahasya tanmṛtāhe tasya tadvargamātrasya | evaṃ mātāmahyāstanmṛtāhe tadvargamātrasya | aputrāyāḥ sāpatnamātustanmṛtāhe tadvargamātrasya
tathā'putrāṇāṃ pitṛvyamātulabhrātṛṇāṃ mṛtāhe tattadvargamātrasya pārvaṇaṃ