Shraddhamanjari (Bapubhatta Kelakara) 6.1.25

6.1.25

kuryāt | kaniṣṭhabhrātṛṇāmavivāhitānāmekoddiṣṭameva | kecitsāpatnamātṛpitṛvyamātulajyeṣṭhabhrātṝṇāmaputrāṇāṃ tattanmṛtāhe taṃ tamevoddiśyaikoddiṣṭavidhinā śrāddhaṃ kuryādityāhuḥ | jyeṣṭhasyāpi jīvatpitṛkasya bhrāturekoddiṣṭameva | kecitpārvaṇamiti vadanti | sarvatra pārvaṇamityanye | atrāpi
deśācārādvyavasthā | ācārāvaśyakatvamāha vṛddhaśātātapaḥdeśadharmaṃ samāśritya vaṃśadharmaṃ tathā'param
sūrayaḥ śrāddhamicchanti pārvaṇaṃ ca kṣaye'hani || iti
bṛhannāradīye'pi-deśācārāḥ parigrāhyāstattaddeśīyajairjanaiḥ
anyathā patito jñeyaḥ sarvadharmabahiṣkṛtaḥ
sindhau bhṛguḥ-yasmindeśe pure grāme traividye nagare'pi vā
yo yatra vihito dharmastaṃ dharmaṃ na vicārayet || iti
mitrabandhugurvācāryasapiṇḍādīnāmaputrāṇāmapatnīkānāṃ yathādhikāraṃ
yathācāraṃ pārvaṇamekoddiṣṭaṃ vā kāryamiti | vidyamāne pitari saṃnyaste
patite vā tatkartṛkāṇi darśābdikamahāḷayādīnyāvaśyakāni nityanaimittikāni śrāddhāni tatputreṇa jīvatpitṛkeṇāpi pituḥpitrādyuddeśena
kāryāṇi | taduktaṃ kātyāyanenabrāhmaṇādihate tāte patite saṅgavarjite
vyutkramācca mṛte deyaṃ yebhya eva dadātyasau
athaikoddiṣṭaśrāddhakālaḥ | tadāha mādhavīye vyāsaḥ—
kutapaprathame bhāga ekoddiṣṭamupakrameta
āvartanasamīpe vā tatraiva niyatātmavān
ekoddiṣṭaṃ daivahīnamekārghyekapavitrakam
āvāhanāgnaukaraṇarahitaṃ tvapasavyavat || iti
kam | dvitīye vatsare'tīte dvitīyābdikam | tṛtīye vatsare'tīte tṛtīyābdikam | tadūrdhvaṃ pratyābdikamiti
atha mātṛśrāddhe viśeṣaḥ | candrikāyāṃ smṛtyantare—
bharturagre mṛtā nārī saha vā tena yā mṛtā