Shraddhamanjari (Bapubhatta Kelakara) 6.1.26

6.1.26

tasyāḥ sthāne niyuñjīta vipraiḥ saha suvāsinīm || iti
atha prayogaḥ | deśakālakīrtanānte'smanmātṛpitāmahīprapitāmahīnāmamukadānāmukagotrāṇāṃ vasurudrādityasvarūpāṇāmetāsāṃ tṛptyarthaṃ pratyābdikaśrāddhaṃ sadaivaṃ sapiṇḍaṃ pārvaṇena vidhinā'nnena haviṣā sadyaḥ kariṣya
iti saṃkalpya darśaśrāddhoktavidhinā tadaṅgamātrasyaiva kuryāt | nimantraṇādiṣu mātrādināmādyullekhaḥ | mātrādyarghyapātreṣu tilāvāpe tilo'si somadaivatya ityasminmantre pitṛnnityasya padasya nohāḥ | yathāśrutameva pāṭhaḥ
evamuttareṣvapi mantreṣu sādhāraṇapitṛśabdasya nohāḥ | yatrohaprasaktistatpradarśyate | pātrābhimarśane mātṛpātraṃ saṃpannam | pitāmahīpātraṃ saṃpannam
prapitāmahīpātraṃ saṃpannamityūhaḥ | asmanmātṛpitāmahīprapitāmahīḥ dāḥ
gotrāḥ vasurudrādityasvarūpā bhavatsvāvāhayiṣyāmi | ityāvāhane | mātaridaṃ te'rghyam | pitāmahīdaṃ te'rghyam | prapitāmahīdaṃ te'rghyamityarghyadāne
mantrāḥ | arghyapātrāsādane mātṛbhyaḥ sthānamasītimantraḥ | asmanmātṛpitāmahīprapitāmahyo dāḥ gotrāḥ vasurudrādityasvarūpā eṣa vo gandha
ityādyarcanam | sati saṃbhave sadhavāyā mātṛmṛtāyāḥ sthāne viprapaṅktau suvāsinīmupaveśyāsmanmātuḥ, gaṅgādāyāḥ kāśyapagotrāyā vasurūpāyā idamāsanam | asmanmātaḥ, gaṅgāde kāśyapagotre vasurūpa eṣa te gandha iti
suvāsinyai gandhaṃ dattvā haridrākuṅkumasindūrādi dattvā puṣpadhūpadīpānsamparyā''cchādanārthaṃ strīparidhānayogyaṃ navaṃ śvetaṃ vastraṃ kañcukīsahitaṃ
dadyāt | mātṛśrāddhe'pi brāhmaṇebhyo yajñopavītāni dadyāditi hemādriḥ
annanivedane pātrālambhanādi kṛtvā mātā'mukadā'mukagotrā vasurūpā