Shraddhamanjari (Bapubhatta Kelakara) 6.1.3

6.1.3

saha śrāddhabhūmimāgatyā''sanānyupakalpya bhūrbhuvaḥ svaḥ samādhvamiti
pratyekaṃ vadansarvānprāṅmukhānupaveśayet | tataḥ pratipātraṃ ghṛtadīpaṃ sthāpayitvā vāmakaṭipradeśe sayavakuśasahitanīvīṃ baddhvā''camya deśakālau
smṛtvā pūrvavanmātrādīnprathamayollikhyetānuddiśya prakrāntaṃ nāndīśrāddhaṃ
kariṣye, apahatā asurā ra0 manaḥ | iti pradakṣiṇaṃ yavānavakīrya
yavā rakṣantvasurāndarbhā0 rakṣakaḥ | iti dvāradeśe kuśayavānprakṣipya
tadviṣṇoḥ paramaṃ0 tatam | iti mantreṇa gāyatryā cānnāni saṃprokṣya
pākādīnāṃ pavitratā'stu ityuktvā tathā'stviti pratyukte devārcanaṃ
kuryāt | devaviprahastayorapo dattvā satyavasusaṃjñakānāṃ viśveṣāṃ devānāṃ
nāndīmukhānāmidamāsanamityuktvā pratyekamāsanaṃ dattvā'po dadyāt | tataḥ
pratyekamāsanaṃ saṃspṛśyātrā''syatāmiti vadet | dharmo'sīti pratyukte
viprayorniraṅguṣṭhau dakṣiṇahastau dhṛtvā nāndīmukhadaive kṣaṇaḥ(ṇau?) kriyetāmiti sakṛduktvā oṃ tatheti viprābhyāṃ yugapadukte prāpnutāṃ bhavantāviti tṛtīyanimantraṇaṃ kuryāt | prāptavāveti viprau yugapadvadetām | tataḥ prāgagreṣu dūrvāṅkureṣu darbheṣu vā'rghyapātradvayamāsādya prokṣyottānaṃ
kṛtvā pavitre nidhāyāpa āsicya śaṃ no devīriti sakṛdanumantrya yavo'sīti mantrāvṛttyā yavānopya gandhapuṣpādi kṣiptvā devapātre saṃpane ityabhimṛśya susaṃpanne iti pratyukto yavānādāya nāndīmukhānviśvāndevānāvāhayiṣyāmi| viśve devāsa0 datta| iti viprayoḥ krameṇa dakṣiṇapādādiyugmakrameṇa pādajānvaṃsaśiraḥsu yavānavakīrya viśve devāḥ śṛṇute0 mādayadhvam | āgacchantu mahābhāgā0 tu te | iti sakṛdupasthāya svāhā'rghyā