Shraddhamanjari (Bapubhatta Kelakara) 6.1.4

6.1.4

iti mantrāvṛttyā nivedya hastayorapo dattvā prathamaviprahaste pavitraṃ nidhāya
prathamamarghyapātrādarghyamādāya satyavasu0 viśve devā nāndīmukhā idaṃ vo'rghyamiti dattvā yā divyā āpa iti sravantīranumantryāpo dadyāt| evameva
dvitīyamarghyapātrāddvitīyaviprahaste dadyāt | tataḥ satyavasu0 devā nāndīmukhā amī vo gandhāḥ svāhā namo na mama | gandhadvārāṃ0 āyane te0
dhūrasi0uddīpyasva0yuvaṃ vastrāṇi0iti mantrairgandhapuṣpadhūpadīpācchādanāni
dvirdvirdattvā puṣpamālābhirbhūṣayitvā yuvā suvāsā ityuktvā'rcanavidheḥ
saṃpūrṇatāṃ vācayitvā tābhyāmanujñātaḥ pitrarcanaṃ kuryāt | apo dattvā
nāndīmukhānāṃ mātṛpitāmahīprapitāmahīnāmidamāsanam| iti sakṛduktvā
mantrāvṛttyā vobhayoḥ krameṇa dakṣiṇabhāge sayavānyugmānprāgagrānṛjūndūrvāṅkurāndarbhānvā dattvā'po dadyāt| evamuttaratra nāndīmukhānāṃ pitṛpitāmahaprapitāmahānāmidamāsanam | nāndīmukhānāṃ mātāmahamātuḥpitāmahamātuḥ
prapitāmahānāṃ sapatnīkānāmidamāsanamityūhaḥ| tato'trā''syetāmityādi
tṛtīyanimantraṇāntaṃ dvayordvayorviśvadevavat| nāndīmukhapitrye kṣaṇaḥ (ṇau ?)
kriyetāmiti viśeṣaḥ | tato'bhyukṣitāyāṃ bhuvi prāgagreṣu darbheṣu prativargaṃ
trīṇi trīṇi pātrāṇi prāksaṃsthānyāsādya prokṣyottānīkṛtya darbhadvayātmakāni prāgagrāṇi pavitrāṇi nidhāyāpa āsicya śaṃ no devīriti
sakṛdanumantrya
yavo'si somadevatyo gosave devanirmitaḥ
pratnavadbhiḥ prattaḥ puṣṭyā nāndīmukhānpitṝnimāṃllokānprīṇayāhi naḥ