Shraddhamanjari (Bapubhatta Kelakara) 6.1.34
Śrāddhamañjarī (Bāpūbhaṭṭa Kelakāra) 6.1.34
- Language
- Sanskrit
6.1.34
te ye śataṃ devagandharvāṇāmānandāḥ | sa ekaḥ pitṝṇāṃ ciralokalokānāmānandaḥ | śrotriyasya cā0 | te ye śataṃ pitṝṇāṃ ciralokalokānāmānandāḥ | sa eka ājānajānāṃ devānāmānandaḥ | śrotriyasya cā0 | te ye
śatamājānajānāṃ devānāmānandāḥ | sa ekaḥ karmadevānāṃ devānāmānandaḥ | ye
karmaṇā devānapiyanti | śrotriyasya cā0 | te ye śataṃ karmadevānāṃ devānāmānandāḥ | sa eko devānāmānandaḥ | śrotriyasya cā0 | te ye śataṃ devānāmānandāḥ | sa eka indrasyā''nandaḥ | śrotriyasya0 | te ye śatamindrasyā''nandāḥ | sa eko bṛhaspaterānandaḥ | śrotriya0 | te ye śataṃ bṛhaspaterānandāḥ
sa ekaḥ prajāpaterānandaḥ | śrotriya0 | te ye śataṃ prajāpaterānandāḥ | sa eko
brahmaṇa ānandaḥ | śrotriya0 | sa yaścāyaṃ puruṣe | yaścāsāvāditye
sa ekaḥ | sa ya evaṃvit | asmāllokātpretya | etamannamayamātmānamupasaṃkrāmati | etaṃ prāṇamayamātmānamupasaṃkrāmati | etaṃ manomayamātmānamupasaṃkrāmati | etaṃ vijñānamayamātmānamupasaṃkrāmati | etamānandamayamātmānamupasaṃkrāmati | tadapyeṣa śloko bhavatiyato vāco nivartante | aprāpya manasā saha | ānandaṃ brahmaṇo vidvānna
bibheti kutaścaneti | etaḥ ha vāva na tapati | kimaha sādhu nākaravam
kimahaṃ pāpamakaravamiti | sa ya evaṃ vidvānete ātmānaḥ spṛṇute | ubhe
hyevaiṣa ete ātmānaḥ spṛṇute | ya evaṃ veda | ityupaniṣat | ityanuvākaṃ ca
japitvā harikīrtanapuraḥsarasaharṣanṛtyaṃ kṛtvā tatpātraṃ punarmaṇḍale saṃsthāpya
candanākṣatapuṣpāṇi pūjāṃ kṛtvā'vaśiṣṭāni bandhubhiḥ saha svayaṃ dhṛtvā
viprānpradakṣiṇīkṛtya, ānandamānandakaraṃ pra0 mi
Linked texts (2)
- Dharmasindhu — Kāśīnātha Upādhyāya 1790, Sanskrit
- Dharmasindhusāra — Śivānanda Gosvāmin 1766, Sanskrit